________________
જૈનો-વૈષ્ણવોની વિશાળ હાજરી ધરાવતી આ સભામાં દુકાનો 1. બંધ રાખવાનો નિર્ણય લેવાયો.
મોટાભાગનો વેપાર-ધંધો વણિકોના હાથમાં હોવાથી દુકાનોની “તાળાબંધી” જ એવો અસરકારક નિર્ણય હતો કે, ખાન-પાનની સામગ્રી મળવી મુશ્કેલ બની જાય, આના કારણે કાજી અને મૌલવીઓને નમતું તોળીને માફી માગવા મજબૂર બનવું જ પડે. પરંતુ “બજારબંધી'નો આ નિર્ણય પણ
જ્યારે કારગત નીવડી શકે એમ ન લાગ્યું ત્યારે મહાજને લડતને હજી વધુ ઉગ્ર બનાવવા માટેની મંત્રણાઓ આરંભી દીધી.
બજારબંધીનો અમલ એવી ચુસ્તતાપૂર્વક થતો હતો કે, એથી પ્રજાને પડતી પારાવાર મુશ્કેલીઓનો પડઘો પાડતો એક પત્ર અંગ્રેજી કોઠીના પ્રમુખ જિરાલ્ડ ગીયરને લંડન બોર્ડ ઓફ ડિરેક્ટર્સને તાત્કાલિક લખવાની ફરજ પડી. પત્રમાં સુરતની બધી પરિસ્થિતિ જણાવીને અંતે લખવામાં આવ્યું કે, સુરતના બજારમાં એવી હડતાલ દિવસોથી ચાલુ છે કે, લોકોને શાકભાજી અને અનાજ કરિયાણું મેળવવું પણ મુશ્કેલ થઈ પડ્યું છે.
મહાજનના નિર્ણયની અણનમતા અંગે કોઈને જરાય | આશંકા જાગે, એવી સંભાવનાય સંભવિત ન હતી. અંગ્રેજી કોઠી તરફથી લંડનના બોર્ડ પર લખાયેલ પત્રના પરિણામે કોઈ સુખદ ઉકેલ નીકળે, એવી આશા હજી અમર જ હતી, કાજી-મૌલવીઓની ઉગ્રતા હજી એવી ને એવી જ હતી. સમસ્યાગ્રસ્ત સુરતની પ્રજા એવી દ્વિધામાં હતી કે, મહાજન હવે કેવું પગલું ઉઠાવશે ! - કટોકટી એવા વળાંક આગળ આવીને ઊભી રહી ગઈ હતી કે, હવે તો જરાય ઢીલું ન જ મૂકી શકાય. લડત હજી
જૈનશાસનના જ્યોતિર્ધરો ભાગ-૩
0
-
