________________
જતો કરવાની ખુમારીથી ભર્યાભર્યા એ ઓસવાલ-વણિકોને કચ્છ અને હાલાર-પ્રદેશ ભાવી ગયો અને આ પ્રદેશનો વસવાટ પણ એ વણિકો માટે ફળ્યો. દૂરંદેશી ધરાવતા એ વણિકોએ જામનગરના જામરાવળની અનુમતિ લઈને જ્યાં ધંધોધાપો વિકસી શકે, એવી જમીન ખરીદી લઈને એક નવું ગામ વસાવ્યું, જે થોડા વખતમાં જ નવાગામ તરીકે ઓળખાવા માંડ્યું.
ધર્મ અને ધનથી સમૃદ્ધ બનેલા ઓસવાલ વણિકોએ નવાગામમાં અનેક ભવ્ય જિનાલયોનાં નિર્માણનો લાભ લીધો. આ પછી તો જામનગરથી ગોંઈજ ગામ સુધી વિસ્તરેલાં બાવન ગામોમાં ઓસવાલોનો વસવાટ વધવા માંડ્યો અને એ ગામો હાલારપ્રદેશ તરીકેની તથા એ ગામોમાં સ્થાયી થયેલા વણિકો હાલારી-ઓસવાલ તરીકે વિખ્યાત બનતા ગયા. આજે એ વિખ્યાતિ ચરમસીમાં સિદ્ધ કરી ચૂકી છે. આર્યપ્રજા ઉપરાંત જૈનોમાંથી પણ આજે થોડાઘણા અંશે ધર્મને ધક્કો મારીનેય ધન કમાવવાની લોભાંધતા માઝા મૂકી રહેલી જોવા મળે છે, ત્યારે લોહીમાંથી લક્ષ્મી કમાવાની લાલચમાં લગીરે લપેટાયા વિના, આવી કોઈ કટોકટીની પળોમાં ધર્મ ખાતર ધનને ધક્કો મારવાની પ્રેરણા અને ધર્મ કાજે ગ્રામાંતર અને દેશાંતર કરવાનો બોધ આ ઘટનામાંથી કોઈ તારવશે ખરું?
હું છ જૈનશાસનના જ્યોતિર્ધરો ભાગ-૩
->
