________________
e-lems ehe] --and
३८
કચ્છની કીર્તિકલગી સમા ભદ્રેશ્વરતીર્થને ભેટીને અને સોરઠના સૌભાગ્યતિલક સમા ગિરનાર-ગિરિની યાત્રા કરાવવાપૂર્વક પાલિતાણા પહોંચાડતો સુદીર્ઘ માર્ગ પસંદ કરીને સંઘવીએ સંઘના પ્રારંભે જ જાણે ઉછાળા મારતી ઉદારતાની તેમજ વધુમાં વધુ તીર્થોની ભક્તિ કરવાની ભાવનાની ભરતીની પુણ્યપ્રતીતિ કરાવી દીધી. એથી શાસનસમ્રાટ પૂજ્ય આચાર્યદેવ શ્રી નેમિસૂરીશ્વરજી મહારાજાની નિશ્રામાં પ્રસ્થિત એ સંઘમાં વિવિધ સમુદાય અને ગચ્છવર્તી પૂ. આચાર્યદેવાદિ શ્રમણશ્રમણીગણનો તેમજ ગામેગામના સંઘના ભાવિકોનો એક મોટો મેળો જ સંમિલિત થઈ જવા પામ્યો, આવું સંમિલન એ પછી આજ સુધી નિહાળવા કોઈ ભાગ્યશાળી બન્યું નથી, એમ કહ્યા વિના ચાલે નહિ.
આ જાતની વિવિધ વિશેષતાઓના કારણે સ્વયં એક ઇતિહાસ બની જવાની સમર્થતા ધરાવતા એ સંઘને ગામેગામ અનેરો આદર-સત્કાર અને અંતરનો આવકાર મળી રહે, એમાં કોઈ નવાઇ ન ગણાય. જૈનજગત ઉપરાંત એક અજૈનખેડૂતના દિલમાં પણ એ સંઘે કેવો આદરભાવ જગવ્યો હતો, એનો સૂચક એક પ્રસંગ જાણવા જેવો છે.
નગીનદાસ કરમચંદ સંઘવી આયોજિત આ સંઘનું જ્યાંથી પ્રયાણ થતું, એ માર્ગ પરથી યાત્રિકોનો પ્રવાહ જાણે પાણીના પૂરની જેમ પસાર થઈ રહ્યો હોય, તેમજ સંઘનો જ્યાં પડાવ પડતો, ત્યાં માનવ-મહેરામણ જ છલકાતો હોય, એવું દૃશ્ય સરજાઈ જતું, આના કારણે સંઘ પ્રયાણ પૂર્વે જ માર્ગ અને મુકામનું અવલોકન કર્યા વિના જ આગળ વધવું શક્ય ન હતું. સંઘના નિર્ણીત માર્ગ મુજબ વચ્ચે વચ્ચે આવતાં ગામડાં દિવસોથી આ સંઘના આગમનની પ્રતીક્ષા કરતાં અને સંઘના દર્શને નાચી ઊઠતાં.
