________________
આ હુકમની ગામોગામ જાહેરાત કરવામાં આવી. જેણે it જેણે આ હુકમ સાંભળ્યો, એનું જીવદયાપ્રેમી ધર્મદિલ હલબલી ઊઠ્યું. સૌને થયું કે, ગોચર ભૂમિના આધારે તો પશુઓ જીવી શકે છે. જો આ હુકમ મુજબ રાજ્ય સિવાયનાં પશુઓ માટે ગોચરનાં દ્વાર બંધ થઈ જાય, તો બિચારાં અબોલ પશુઓ ક્યાં ચરવા જાય? - વડોદરા જિલ્લાનાં ગામેગામના જીવદયા પ્રેમીઓએ પોતપોતાની રીતે આવો હુકમ રદ કરાવવા માટેના પ્રયત્નો કરવામાં પાછું વળીને જોયું નહિ. પણ પરિણામ જ્યારે શૂન્યમાં જ આવ્યું, ત્યારે સૌની નજર અમદાવાદ ભણી અને સવિશેષ તો જેસિંગભાઈ ભણી લંબાઈ.
વડોદરા જિલ્લાના થોડાક આગેવાનો ભેગા થઈને અમદાવાદ પહોંચ્યા, જેમનું વ્યક્તિત્વ મોભાદાર ગણાતું, એવા જેસિંગભાઈની સમક્ષ ખડા થઈ જઈને એ આગેવાનોએ પશુઓ પર તોળાયેલા સંકટની વાત ગળગળા સાથે રજૂ કરી. બધાનાં કથનનો સાર એ જ નીકળતો હતો કે,
શેઠ ! ગાયકવાડ સરકારને આવો હુકમ રદ કરવા અને પાછો ખેંચી લેવા સમજાવવું જ જોઈએ. હજારો પશુઓની ભૂખ ભાંગતી, પશુઓ માટે માતા અને પિતા સમી ગોચરની ભૂમિમાંથી જ જો એ પશુઓને જાકારો મળશે, તો નિરાધાર, અબોલ, બિચારાં એ જીવો કઈ રીતે જીવી શકશે ? દરેક ગામોનો ખેડૂત બહુબહુ તો બે-ચાર દિવસ માટે પોતાનાં ખેતર પશુઓને ચરવા માટે ખુલ્લાં મૂકી શકે, પણ કાયમ માટે તો કોઈ ખેડૂત આવી ઉદારતા ન જ દર્શાવી શકે ને? વર્ષોથી ગામડે ગામડે આવી વિશાળ ગોચર-ભૂમિ આવેલી છે, જ્યાં છૂટથી પશુઓ ચરતાં રહે છે. અમારો અવાજ વડોદરાની
જૈનશાસનના જ્યોતિર્ધરો ભાગ-૩
8 2 3
-
