________________
ગુનેગાર માટે ફાંસીનો ફેંસલો ફડાતાં જે સન્નાટો છવાયો હતો, એથી કેઈગણો વધુ સન્નાટો મોતને પોતાના માથે વહોરી લેવા સજ્જ બનેલા મોતીશાહ શેઠની આ અરજ સાંભળીને કોર્ટમાં છવાઈ ગયો. ગુનેગારના માથે ફટકારાઈ ગયેલી સજાનો ફેંસલો તો હવે ફેરવાઈ શકે, એ શક્ય જ ન હતું. શેઠ મોતીશાહ જયારે સામેથી ગુનો કબૂલી રહ્યા હતા, ત્યારે ન્યાયતંત્ર માટે બીજો કોઈ વિચાર કરવાનો અવકાશ જ ક્યાં રહેતો હતો. શેઠની અરજી સ્વીકારી લેતાં કોર્ટે સાચા ગુનેગાર તરીકે શેઠ મોતીશાહને ફાંસીપાત્ર જાહેર કર્યા. ચોકીદાર ફાંસીને લાયક જાહેર થયો, ત્યારે એની આંખના આંસુ ખાળી શકાયા હતા. પણ શેઠે જ્યારે સામેથી કરેલ અરજી મુજબ ન્યાયતંત્રે શેઠને સજાપાત્ર જાહેર કર્યા, ત્યારે ખાળી રાખેલો એ અશ્રુપ્રવાહ ધડધડ કરતો વહી નીકળ્યો. ફાંસીનો ફંદો શેઠ મોતીશાહની જીવનલીલા ખતમ કરી નાખે, એ ચોકીદારને મંજૂર ન હતું, એણે શેઠને ઘણીઘણી કાકલૂદી સાથે વિનંતી કરી કે, આપ લાખોના તારણહાર છો, આપનું જીવન અમૂલ્ય છે. માટે મને જ મરવા જવા દો. પણ શેઠ એકના બે ન થયા. ફરિયાદી પક્ષ સજાનો અમલ તરત જ ઇચ્છતો હોવાથી ન્યાયના કાનૂન મુજબ શેઠની અંતિમ ઈચ્છા પૂછવામાં આવી કે તમારી અંતિમ કોઈ ઇચ્છા હોય, તો જણાવી શકો છો. સજાનો અમલ કરતાં પૂર્વે આવી ઇચ્છાપૂર્તિ કરવા ન્યાયતંત્ર બંધાયેલું છે.
શેઠ મોતને તો વધાવી લેવા તૈયાર જ હતા. ભાયખલા જઈને પ્રભુભક્તિનો ક્રમ અખંડિત રાખવાની ભાવનાને જણાવતાં એમણે કહ્યું કે, ભાયખલા જઈને ભગવાનની પૂજા કરવાની અધૂરી ભાવનાની પૂર્તિ જ મારી અંતિમ ઇચ્છા છે. ભગવાનની ભક્તિના પ્રભાવે બધાં જ સારાં વાનાં થશે અને
@ છ છ જૈનશાસનના જ્યોતિર્ધરો ભાગ-૩
