________________
મારું સેવાકાર્ય કોઈ ગણતરીમાં જ આવે એમ નથી. હું તો પૂરા | ભાયખલામાં પણ પ્રસિદ્ધ નથી. જ્યારે શેઠ મોતીશાહ જેવા થઈ ગયેલા મહાપુરુષો જે સેવાકાર્ય કરી ગયા, એની સુવાસ તો સર્વત્ર ફેલાયેલી છે. માટે ભાયખલાના રાજમાર્ગનું ગૌરવ વધારવું હોય, તો મોતીશાહ જેવાનું નામ જ આપવું જોઈએ.
માત્ર આવો આટલો વિચાર કરીને જ ડોક્ટર બેસી ન રહ્યા. એમણે તો અધિકારી વર્ગ સમક્ષ પહોંચી જઈને પોતાનો મનોભાવ દર્શાવતાં જણાવ્યું કે, ભાયખલાના રાજમાર્ગને ‘લવલેન'ના બદલે બીજું કોઈ નામ આપવાના વિચારચક્રો ગતિમાન થયાં છે. એના સંદર્ભમાં એટલું જ જણાવવા હું ઉપસ્થિત થયો છું કે, નાના માણસને મોટા પદ પર બેસાડી દેવાથી મોટું પદ લજવાય છે અને આમ છતાં નાના માણસને મોટાઈ મળી શકતી નથી, ઉપરથી એની લઘુતા જ જાહેરમાં વ્યક્ત થાય છે. માટે હું ઇચ્છું છું અને ભારપૂર્વક એવી ભલામણ કરવા માગું છું કે, “લવલેન” નામ બદલવું જ હોય, તો “શેઠ મોતીશાહ લેન આ નામ પર જ પસંદગી ઉતારશો. શેઠ મોતીશાહે ભાયખલામાં ભવ્ય જિનમંદિરનું નિર્માણ કરીને “શત્રુંજયતીર્થ જેવો મહિમા આ ભાયખલાને અપાવ્યો છે, એની ઋણમુક્તિ માટેની આ તક ઝડપી લેશો, મોતીશાહની નામના કામના તો અજરામર છે, એને અમર રાખનારા આપણે તો વળી કોણ? આપણે તો કોઈ ગજું જ નથી કે, પૂર્વજોનાં નામ- કામને આપણે અમર બનાવી શકીએ, એ મહાપુરુષોનું નામાંકન માર્ગ સાથે કરવાથી ઉપરથી એ મહાપુરુષોના પ્રભાવે “ભાયખલાનું નામ જ ચિરંજીવી બની શકશે, માટે જનતાના અવાજને આવકાર આપવાના બદલે મારા એકના આત્માના આ અવાજને જ આવકાર્ય રાખશો, એવો હું વિશ્વાસ રાખું છું.
જૈનશાસનના જ્યોતિર્ધરો ભાગ-૩
% $ @
-
