________________
આનું નામ પર્યુષણ ઊજવી જાણ્યા
છે કે તેની
મોટાના મનમાં કદીક વેરની ગાંઠ એવી તો સજ્જડ બંધાઈ જતી હોય છે કે, કોઈ એને છોડવાનો પ્રયાસ કરે, તો ઉપરથી એ વધુ મજબૂત બનતી જાય. મોટાનું વાત્સલ્ય જેમ મોટું હોય છે, એમ કદીક મોટાનું વેર પણ મોટું હોય છે. જાતના જૈન શ્રી ડાહ્યાભાઈ ધોળશા ગુજરાતના એક પ્રિય નાટ્યકાર હતા, તો શ્રી દલપતરામ પ્રખ્યાત કવિરાજ હતા. આ બે મહાશક્તિઓએ સુમેળ સાધીને પોતપોતાના ક્ષેત્રે ખેડાણ કર્યું હોત, તો તો ગુજરાતી સાહિત્યનો આજનો ઇતિહાસ જ કોઈ ઓર હોત! પણ આવા ઇતિહાસ સર્જનના લેખ ભાવિને મંજૂર નહિ હોય, એથી બંને શક્તિ સંઘર્ષના મેદાનમાં પડીને વધુ ને વધુ નબળી પડી રહી હતી, ત્યારનો આ એક પ્રસંગ છે.
નાટ્યલેખક શ્રી ડાહ્યાભાઈ ધોળશા વાતવાતમાં કવિ દલપતરામને આંખમાં રાખીને કહેતા : જોડકણાં જોડવાં, એ તો મૂર્ખાઓનું કામ છે અને આવાં જોડકણાંઓને તો ડોશીઓ જ વધાવે !
જૈનશાસનના જ્યોતિર્ધરો ભાગ-૩ ૦
=
•
•
