________________
સરકાર સુધી નથી પહોંચી શક્યો, માટે જ અમે અમારો અવાજ આપના સુધી પહોંચાડવા આવ્યા છીએ. આજ સુધી ક્યારેય આવો હુકમ બહાર પડ્યો નથી. માટે અત્યારથી જ વિના વિલંબે યોગ્ય કાર્યવાહી થવી જોઈએ એવું અમને લાગે છે.”
જેસિંગભાઈએ જે રીતે દિલચસ્પી દર્શાવીને આ વાત સાંભળી, એ જોઈને એ આગેવાનોને એવી આશા બંધાઈ કે, આપણે યોગ્ય સ્થળે આવ્યા છીએ. એથી વિદાય થતા પૂર્વે સૌએ સમસ્વરે પુનઃ એ જ વાત દોહરાવી કે, અમને એમ લાગે છે કે, આપ અમારી વાતના હાર્દને બરાબર સમજી શક્યા છો, એથી અમે એવા વિશ્વસ્ત બનીએ છીએ કે, હવે આ વાત ગાયકવાડને આપ બરાબર સમજાવી-ચાવી શકશો.
જેસિંગભાઈએ જવાબમાં કહ્યું કે, તમે પાયો જ નથી રચી આપ્યો, તમે ઠીકઠીક મહેનત કરી છે, તમારી જહેમતના પાયા ઉપર મારે હવે તો ચણતર કરવાનું જ રહે છે. હું મારી રીતે આ વિષયમાં પ્રયત્ન કરીશ. ચોક્કસ દિવસ તો કહી શક્તો નથી, પણ થોડા જ દિવસોમાં તમારી મહેનત સફળ થશે એમ મને લાગે છે. એથી થોડા દિવસો તો વડોદરારાજયના ખેડૂતોએ પશુઓ માટે પોતાનાં ખેતર ખુલ્લા મૂકી દેવાં પડશે.
વડોદરા રાજ્યના આગેવાનોને વિદાય આપીને જેસિંગભાઈ વિચારમગ્ન બન્યા કે, હવે આ પ્રશ્ન કઈ રીતે આગળ વધવું ? ગાયકવાડને સમજાવવાની ઠીકઠીક મહેનત થઈ ગઈ હતી, એથી હવે સરકારને સમજાવવાની મહેનત કરવા કરતાં બીજો જ કોઈ ઉપાય વિચારવો પડે એમ હતો. એઓ વિચારમગ્ન બન્યા, થોડી જ પળોમાં આશાના એક કિરણ તરીકે એમની નજર સમક્ષ રાજમાતાએ પ્રારંભેલી તીર્થયાત્રા ખડી થઈ ગઈ અને એઓ પ્રસન્ન બની ઊઠ્યા.
હ હ છ જૈનશાસનના જ્યોતિર્ધરો ભાગ-૩
-
