________________
1 લાભ એઓ લઈ રહ્યા છે. એનો જ આ પ્રભાવ છે કે, આ
યાત્રા માત્ર આપની અને રાજ્યના અધિકારીઓની ન રહેતાં, આપણે જે જે ગામે પડાવ નાખીએ છીએ, એ આખું ગામ આપની યાત્રાને પોતાની માનીને આમાં જોડાયેલું જોવા મળે છે.
આયોજકોના માટે આ વાત સાંભળીને રાજમાતાના આશ્ચર્યનો અને સાથે સાથે આનંદનો પણ પાર ન રહ્યો. એમણે તરત જ જેસિંગભાઈનાં દર્શન કરીને એમનો આભાર માનવાની ઇચ્છા વ્યક્ત કરી. જે તકની જેસિંગ- ભાઈ રાહ જોઈ રહ્યા હતા, એ તક મળતાં જ તેઓ રાજમાતા સમક્ષ ખડા થતાં બોલ્યા કે, મને યાદ કરવા બદલ આનંદ. ફરમાવો શી સેવા છે?
રાજમાતાએ સહર્ષ જણાવ્યું : પુણ્યશાળીનાં પગલાં પડે અને જંગલમાં મંગળ સરજાઈ જાય. તેમ તમે આ યાત્રા પ્રવાસમાં જોડાયા અને આખો માહોલ જ બદલાઈ ગયો. છેલ્લા ત્રણ-ચાર દિવસથી મેળા જેવું વાતાવરણ જોવા મળે છે, એ પ્રતાપ તમારો છે, એવું આયોજકોના મોઢેથી સાંભળવા મળ્યું અને તમારાં દર્શન કરવાનું મન થતાં તમને બોલાવ્યા.
જેસિંગભાઈએ વિનમ્રતા દર્શાવી : આ બધો પુણ્ય-પ્રભાવ તો રાજમાતા તરીકે આપનો જ ગણાય. આપ તીર્થયાત્રાએ પધારી રહ્યાં છો. એટલે પ્રજા ખેંચાઈને દર્શને આવે જ, એમાં વળી મારો શો પ્રભાવ?
રાજમાતાએ જરાક મજાકમાં જણાવ્યું : હા. તમારો નહિ, તમારા દ્વારા થતા ગામજમણનો પ્રભાવ બસ!
જેસિંગભાઈ વધુ વિનમ્ર બન્યા : “આપ તીર્થયાત્રાનું પુણ્ય ઉપાર્જી રહ્યાં હો, ત્યાં મારો આટલો ભાગ તો બિંદુ આગળ સિંધુ પણ ગણાય કે કેમ એ શંકા છે.”
હિટ્ટ જ જૈનશાસનના જ્યોતિર્ધરો ભાગ-૩
-
