________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जलते॥११७॥ . ऐतेसि पदाणं इमातो दुनि संधैयणगाहाओकंसे संखे जीवे, गगणे वायू य सरयसलिले य। पुरखरपत्ते कुम्मे, विहगे खग्गे य भारंडे ॥१॥ कुंजर क्सभे सीहे, णगराया चेव सागरमखोभे। चंदे सूरे कणगे, वसुंधरा चे हूयवहे ॥२॥ नत्थि णं तस्स भगवंतस्स कत्थइ पडिबंधो भवति। से य पडिबंधे चउन्चिहे पण्णत्ते, तं जहा-दव्वओ खेत्तओ कालओ भावओ। दव्वओ णं सचित्ताचित्तमीसिएसु दब्वेसु। खेत्तओ णं गामे वा नगरे वा अरणे वा खित्ते वा खले वा घरे वा अंगणे वा पहे वा। कालओ णं समए वा आवलियाए वा आणापाणुए वा थोवे वा खणे वा लवे वा मुहत्ते वा अहोरत्ते वा पक्खे वा मासे वा उऊ वा अयणे वा संवच्छरे वा अन्नयरे वा दीहकालसंजोगे वा। भावओ णं कोहे वा माणे वा मायाए वा लोभे वा भये वा हासे वा पेज्जे वा दोसे वा कलहे वा अभक्खाणे का पेसुन्ने वा परपरिवाए वा अरतिरती वा मायामोसे वा मिच्छादसणसल्ले वा। (ग्रं० ६००) तस्स णं भगवंतस्स नो एवं भवद ॥११८॥ से णं भगवं वासावासवजं अट्ठ गिम्हहेमंतिए मासे गामे एगराईए नगरे पंचराईए वासीचंदणसमाणकप्पे समतिणमणिलेकंचणे.समदुक्खसुहे इहलोगपरलोगअपडिवद्धे जीवियमरणे निरवकंखे संसारपारगामी कम्मसंगनिम्घायणट्ठाए अब्मुहिए एवं च णं विहरइ ॥११९॥
तस्स णं भगवंतस्स अणुत्तरेणं नाणेणं अणुत्तरेणं दंसणेणं अणुत्तरेणं चरित्तेणं अणुत्तरेणं आलएणं अणुत्तरेणं विहारेणं अणुत्तरेणं वीरिएणं अणुत्तरेणं अज्जवेणं अणुतरेणं महवेणं अणुत्तरेणं लाघवेणं अणुत्तराए खंतीए अणुत्तराए मुत्तीए अशुत्तराए गुत्तीए अणुत्तराए तुट्ठीए अणुत्तरेणं सच्चसंजमतवसुचरियसोवइयफलपरिनिब्वाणमग्गेणं अप्पाणं
- एतचिहमध्यवत्तिं गाथायुगलं अ०ि ॥ २ संगहणि अर्वा० ॥ ३ वेव सुहृय हुने छ । ४ कम्मसंघनि च। कम्मसत्तुनि० अर्वा ।
For Private And Personal Use Only
