________________ “આમુખ એક શાસ્ત્રીય મુદ્દાને લઈને પ્રભુની આજ્ઞાને સમર્પિત શ્રીસંઘજનો સમક્ષ ઉપસ્થિત થયો છું. એ મુદ્દો છે - અનુકૂળ મધ્યસ્થભાવ અને પ્રતિકૂળ મધ્યસ્થભાવ. જ્યારે કોઈપણ વિવાદનો મુદ્દો ઉપસ્થિત થાય ત્યારે તપાગચ્છની ઉત્તમ નીતિ શું છે ? તે પૂજ્યપાદ મહોપાધ્યાય શ્રીયશોવિજયજી મહારાજાના શબ્દોમાં જોઈશું... “શાસ્ત્રાનુસાર જે નવિ હઠે તાણિયે, નીતિ તપગચ્છની તે ભલી જાણિર્યો. જીત દાખે જિહાં સમયસારું બુધા, નામ ને ઠામ તે કુમતે નહીં જસ મુધા. (16-18)" [350 ગાથાનું સ્તવન - ભાવાર્થ (બાલા. બોધના આધારે) : સંવિગ્ન ગીતાર્થ પરમાર્થથી તેને કહેવાય, કે જે શાસ્ત્રાનુસારે પોતાનો કદાગ્રહ મૂકી દે. અર્થાત્ શાસ્ત્રના અક્ષરો દેખે એટલે પોતાના કદાગ્રહ મૂકી દે. એવી તપાગચ્છની ઉત્તમનીતિ છે. તેથી જ તપાગચ્છમાં પંચાંગી પ્રકરણ આદિ ગ્રંથો પ્રમાણ છે. આ તપાગચ્છમાં પંડિતજનો સિદ્ધાંત અનુસાર વર્તમાનનો જીત દર્શાવે છે. આ તપાગચ્છના નામ અને સ્થાનક વૃથા નથી, પણ ગુણનિષ્પન્ન છે. - તપાગચ્છની આ જ ઉત્તમ નીતિનું સંવહન કરનારા ધુરંધર આચાર્ય ભગવંતોએ વિ.સં. 1976 ના સંમેલનમાં શાસ્ત્રીય મુદ્દાઓની ચર્ચા-વિચારણાના અવસરે સૌથી પ્રથમ નીચે મુજબનો ઠરાવ કર્યો છે. (1) શાસ્ત્ર (સાક્ષાત્ - અનંતર અને પરંપરારૂપ શાસ્ત્ર) વિના કોઈપણ જાતની સિદ્ધિ નથી. આથી કોઈપણ તત્ત્વનો નિર્ણય શાસ્ત્રમતિથી જ થાય. જેનશાસનની
