________________ ક્યાં તો તત્ત્વ અને અતત્ત્વ-તત્ત્વાભાસને (સુદર્શન-કુદર્શન, ઉન્માર્ગસન્માર્ગ વગેરેને) એક સમાન મનાવવાની ભૂલ કરાવે છે. તે બંનેથી મિથ્યાત્વની વૃદ્ધિ જ થાય છે. આથી પ્રતિકૂળ-અનુકૂળ મધ્યસ્થભાવને બરાબર ઓળખીને તત્ત્વનિર્ણય-ધર્મપરીક્ષાને અનુકૂળ મધ્યસ્થભાવનો જ સદાગ્રહ કેળવવાનો છે અને તેનો યથાયોગ્ય રીતે ઉપયોગ કરવાનો છે. આપણે આ પુસ્તકમાં મધ્યસ્થભાવના તાત્ત્વિક સ્વરૂપની અને તેની સાથે સંબંધિત પ્રશ્નોની વિચારણા કરીશું. વિશેષ વાતો “આમુખમાં કરવામાં આવી છે. - સુવિશાલ ગચ્છાધિપતિ પ.પૂ.આ.ભ.શ્રીવિ.પુણ્યપાલસૂરીશ્વરજી મહારાજાના આજ્ઞા-આર્શીવાદ આ કાર્યમાં ખૂબ પ્રોત્સાહક બન્યા છે અને સૌજન્યનિધિ પ.પૂ.આ.ભ.શ્રીવિ.હર્ષવર્ધનસૂરીશ્વરજી મહારાજા અને જિનાજ્ઞાપ્રભાવક પ.પૂ.આ.ભ.શ્રીવિ.જયદર્શસૂરીશ્વરજી મહારાજાએ અમૂલ્ય માર્ગદર્શન આપી મારા ઉપર મહાન ઉપકાર કર્યો છે. - પૂજ્યોની મહતી કૃપાથી આ કાર્ય નિર્વિન સંપન્ન થયું છે. - તપાગચ્છાધિરાજશ્રીજીના સામ્રાજ્યવર્તી તપસ્વી સાધ્વીવર્યા શ્રીસુનિતયશાશ્રીજી મ.સા.ના સુશિષ્યા વિદુષી સાધ્વીવર્યા શ્રી જ્ઞાનદર્શિતાશ્રીજી મહારાજે પ્રફશુદ્ધિનું કાર્ય સંપન્ન કર્યું છે. તેઓની નિઃસ્વાર્થ શ્રુતભક્તિની હાર્દિક અનુમોદના. મૈત્રી-પ્રમોદ-કરુણા-મધ્યસ્થભાવના રહસ્યને પામીને, તે ભાવનાઓ દ્વારા અંતઃકરણને વાસિત-પવિત્ર કરીને, મોક્ષમાર્ગ ઉપર શીધ્ર પ્રગતિસાધીને, સૌ કોઈ મોક્ષસુખને પામે એ જ એક શુભાભિલાષા. મુ. સંયમકીર્તિ શ્રી વિજયરામચંદ્રસૂરિજી આરાધના ભવન સુરત-ગોપીપુરા
