________________ ૧૩-દરજ્ઞાત અધ્યયન: દેડકાના દૃષ્ટાંત દ્વારા મુખ્ય ત્રણ વાત કરી છે. ૧-પ્રભુ મહાવીરની દેશના સાંભળવાથી નંદ મણિયાર ધર્મ પામ્યો. ૨-પોતે બનાવેલા વાવડી-બગીચાની ગાઢ આસક્તિથી તે દેડકાના ભાવમાં ગયો. ૩જાતિસ્મરણ જ્ઞાનથી દેડકાના ભાવમાં કરેલી આરાધનાથી તે દેવભવ પામ્યો. કરેલી વિરાધનાનાં પરિણામ ભોગવવાં જ પડે છે, તો કરેલી આરાધના પણ સારા ફળ આપે જ છે. આ વાત અહીં અનાયાસે સમજાય છે. ૧૪-તેતલિપુત્ર અધ્યયન : તેતલિપુત્ર અને પોટ્ટિલા. બંને પતિ અને પત્ની, પતિ તરફથી એક તરફી અપ્રીતિ સર્જાઈ. પોટ્ટિલાએ સાધ્વીજી ભગવંતને મનમેળનો ઉપાય પૂછ્યો. ‘તું ભીંત ભૂલી, આ અમારું કામ નહિ.' સાધ્વીજી ભગવંતે સંયમ-જીવનની મર્યાદાનુસાર સ્પષ્ટ નિષેધ કરી દીધો. ધર્મ સમજાવી સન્માર્ગે વાળી. “સંસારાર્થી સંસાર-પોષણની વાત પૂછે તો ત્યાગી શ્રમણ-શ્રમણી-ઓ કાન પણ ન ધરે” આ અધ્યયનની આ હિતશિક્ષા વર્તમાનમાં વસરાતી જાય છે. જે ખાસ યાદ રાખવા જેવી છે. ૧૫-નંદીફલ અધ્યયન નંદીફળ એટલે જંગલમાં થતાં ઝેરિલાં વૃક્ષ. જેનાં ફળ રૂપ-રસ-ગંધ-સ્પર્શથી અતિ મનોજ્ઞ હોય છે. ભોક્તા એકવાર તો આહ્વાદ અનુભવે, પણ ક્ષણભરની એ મજાના છેડે મોત બંધાયેલું છે. સંસાર અટવીમાં ઈન્દ્રિયોના વિષયો તેવા જ છે. ક્ષણિક સુખને ભોગવવા જતાં પાછળ છુપાયેલી દુર્ગતિ ભૂલાવી ન જોઈએ, એ જ અહીંસમજવાનું છે. 50 || આગમની ઓળખ
