________________ (46 મહાનિશીથ સૂત્રા 4,544 શ્લોક પ્રમાણ આ છેદસૂત્રનું નામ મહાનિશીથ સૂત્ર છે. પૂર્વે બતાવેલાં નિશીથસૂત્ર કરતાં આ સૂત્ર વિસ્તૃત હોવાથી તથા વિશેષ અંધકારમાં એટલે અતિગુપ્તપણે આદાન-પ્રદાન થતું હોવાથી આ સૂત્ર મહાનિશીથ કહેવાય છે. આ આગમને રચનાર મહાપુરુષ સંબંધી કોઈ વિગત પ્રાપ્ત થતી નથી. પૂર્વકાળમાં આઠ અધ્યયન અને કુલ 83 ઉદ્દેશામાં વહેંચાયેલું આ સૂત્ર હતું. કાળના પ્રભાવમાં નાશ પામી રહેલા આ આગમના તત્કાલીન ઉપલબ્ધ અંશોનું સંકલન સમર્થશાસ્ત્રકાર શિરોમણિ પૂ.આ.શ્રી. હરિભદ્રસૂરિ મહારાજ વગેરેએ કર્યું હતું. પરિણામે આજે છે અધ્યયન અને બે ચૂલિકા ઉપલબ્ધ થાય છે. ‘સાધનાને સફળ કરવા શલ્યનો પરિત્યાગ કરવો અનિવાર્ય છે. આ રજૂઆત પ્રથમ શલ્યોદ્ધર નામના અધ્યયનમાં કરી છે. દ્રવ્ય અને ભાવ એમ બે પ્રકારનાં શલ્ય હોય છે. પગમાં કાંટો અને આંખમાં કણને દ્રવ્ય શલ્ય કહેવાય છે. જેની વેદના અસહ્ય હોય છે, છતાં છૂટકારો બહુ જલ્દી થઈ શકે છે. પાપ એ ભાવશલ્ય છે. રાગ-દ્વેષ આદિ મલિનભાવથી હિંસા, જૂઠ, ચોરી વગેરે જે પણ પાપ કર્યા હોય તે ભાવશલ્ય છે. આ ભાવશલ્ય દૂર ન કરવાથી અનેક ભવો સુધી દારુણ વિપાકો ભોગવવા પડે છે. તેથી માયારહિત પણે નિંદા, ગર્તા અને આલોચના દ્વારા તે શલ્યનો ઉદ્ધાર કરવો જોઈએ, આ વાતના સંદર્ભમાં અહીં તેની વિધિ પણ દર્શાવી છે. 16Saa આગમની ઓળખ
