________________ દર્શાવેલ છે. વંદનક(વાંદણા) સૂત્ર ગુરુ પ્રત્યેના વિનયનું દ્યોતક છે. તેમાં ગુરુસંબંધી અપરાધોની સાચા ભાવે માફી પણ માંગી છે. 4. પ્રતિક્રમણ અધ્યયન. રાગ-દ્વેષાદિ દોષોને વશ થયેલા પાપથી પાછા ફરવાનું માર્ગદર્શન આ અધ્યયનમાં જોવા મળે છે. શ્રમણ ભગવંતો પગામ સક્ઝાયસૂત્ર અને શ્રાવકો વંદિત્તાસૂત્ર દ્વારા પાપોનું આલોચન, પ્રતિક્રમણ અને પ્રાયશ્ચિત્ત કરે છે. સૌથી વિસ્તૃત આ અધ્યયન અને સૂત્રો છે. 5. કાયોત્સર્ગ અધ્યયન. પ્રતિક્રમણ આવશ્યક કરવા છતાં શેષ રહેલા પાપોની શુદ્ધિ માટે, આત્માની વિશેષ નિર્મળતા સંબંધી વાતો આ અધ્યયનમાં છે. જેમાં તસ્સ ઉત્તરી સૂત્ર, અન્નત્થસૂત્ર, અરિહંત ચેઈયાણ સૂત્ર, લોગસ્સ સૂત્ર પુખરવરદીવઢે સૂત્ર, સિદ્ધાણં બુદ્ધાણં સૂત્ર આદિ દ્વારા સુનિશ્ચિત્ત શ્વાસોચ્છવાસ પ્રમાણ કાયોત્સર્ગ કરવાનો હોય છે. 6. પ્રત્યાખ્યાન અધ્યયન.કર્મબંધના કારણ ભૂત પાપવ્યાપારોના ત્યાગની પ્રતિજ્ઞા એ પ્રત્યાખ્યાન છે. જેની વિચારણા આ અધ્યયનમાં કરી છે. મુખ્યતાએ આહાર સંબંધી પચ્ચકખાણના સૂત્રો દ્વારા આ આવશ્યક કરવામાં આવે છે. આહાર ગ્રહણની ભૂલથી ભવની શરૂઆત કરી છે તો આહાર ત્યાગ દ્વારા ભવનો અંત લાવવાનો ભાવ સાધકને અહીં જોવા મળે છે. પરમગુરુદેવ પૂજ્યપાદ આચાર્યદેવ શ્રીમદ્ વિજય રામચંદ્રસૂરીશ્વરજી મહારાજાએ આજથી વર્ષો પૂર્વે “સનાતન સત્યનો સાક્ષાત્કાર' પુસ્તક દ્વારા આ આવશ્યક સૂત્રો દ્વાદશાંગીના રચયિતા શ્રી ગણધર ભગવંતો દ્વારા જ રચિત છે, એ વાત પૂરવાર કરી છે. પરિણામે સંપૂર્ણ જૈન સંઘ આવશ્યક સૂત્રોને પૂર્ણ શ્રદ્ધાથી સ્વીકારે છે. આવશ્યક સૂત્રના કથયિતવ્યને જાણવા આવશ્યક નિર્યુકિત અને વિશેષાવશ્યક ભાષ્ય આદિ ગ્રંથોનો ગુરુનિશ્રાએ સટીક અભ્યાસ અનિવાર્ય છે. 17aa આગમની ઓળખ
