________________ {1 */ / (53) ઉત્તરાધ્યયનસૂત્ર 4 ત્રીજા લેખમાં 18 અધ્યયન સુધી વાતો કરી. હવે આગળ. 19. મૃગાપુત્રીય. મહેલના ઝરુખે બેઠેલા મૃગાપુત્રને રાજમાર્ગ પર પસાર થતાં શાંતમૂર્તિ મુનિનાં દર્શન થયાં. જાતિસ્મરણ જ્ઞાન થવાથી પૂર્વભવમાં માણેલું સંયમજીવન યાદ આવ્યું. વૈરાગ્ય પ્રગટ્યો. માતા-પિતાની સંમતિ માગી. “સંયમજીવનનાં કષ્ટો સામે તારું શરીર તો જો, તારું કામ નહિ” આ વાતે સંમતિ ના આપતાં મા-બાપને તેમણે યુક્તિપુરસ્સર સમજાવ્યાં. અનુમતિ મળતાં સંયમ પામી મુક્તિ સાધી'. સાચું કહીએ તો 99 ગાથાના આ અધ્યયનની વાતો ક્રમશ: રાગીને વિરાગી, ત્યાગી અને પ્રવર સંયમી બનાવનાર છે. ૨૦.મહા-નિગ્રંથીય. ૬૦ગાથામાં અનાથીમુનિ અને શ્રેણિક મહારાજાનો અચાનક થયેલો ભેટો, વાર્તાલાપ અને અનાથીમુનિએ આપેલ ઉપદેશની વાતો છે. અનાથ અને સનાથનું વાસ્તવિક સ્વરૂપ આંખ સામે આવવાથી મહારાજા શ્રેણિકે અનાદિ મિથ્યાત્વનો ત્યાગ કર્યો, નિર્મળ સમ્યગ્દર્શન પ્રાપ્ત કર્યું. “માત્ર સાધુવેશથી કલ્યાણ નથી' તેવી જ વાત દશ ગાથામાં કરી છે, તે વાત પ્રત્યેક સાધુએ આત્મમંથન કરવા પ્રાયોગ્ય છે. 21. સમુદ્રપાલીય. અહીં ફાંસીએ લઈ જવાતા ગુનેગારને જોઈને વૈરાગ્ય પામનારા સમુદ્રપાલની કથા છે. બીજા દ્વારા થતાં પૂજા-સત્કારમાં ગર્વ ન કરે, નિંદા-ટીકામાં દીનતા ન કરે; આવી નાની-મોટી અનેક હિતશિક્ષા 24 ગાથાનાં આ અધ્યયનમાં કરવામાં આવી છે.
