________________ પ્રસ્તુત આગમના આઠ વર્ગમાં મુખ્યત્વે દરેક સાધકોનાં નામ, નગર, રાજવીનું નામ, માતા-પિતાનાં નામ, 7264 કળામાં પ્રવીણતા, ભૌતિક સમૃદ્ધિ, પાણિગ્રહણ, તીર્થંકર પરમાત્માનું આગમન, ધર્મદેશનાનું શ્રવણ, વૈરાગ્યની ઉત્પત્તિ, વર્ષીદાન, ભોગજીવનનો ત્યાગ, પ્રવ્રજ્યા સ્વીકાર, શ્રુત સાધના, તપોપધાન, ભિક્ષુ પ્રતિમાનું આરાધન, અંતિમ સંલેખના, અંતકૃત્ કેવલીપણું અને મોક્ષગમન સુધીની વાતો છે. આ આગમના એકથી પાંચ વર્ગમાં શ્રી કૃષ્ણ વાસુદેવના જીવનના અનેકવિધ પાસાઓનું વર્ણન છે. પહેલા વર્ગમાં બાર યોજન લાંબી અને નવ યોજન પહોળી વૈશ્રમણ દેવે બનાવેલી દ્વારિકા નગરી, કષ્ણ મહારાજાનો વિશાળ પરિવાર, રાજવી અન્ધકવૃષ્ણિ અને રાણી ધારિણીના ગૌતમ, સમૃદ્ધ, સાગર, ગંભીર, તિમિત, અચલ, કાંડિલ્ય, અક્ષોભ, પ્રસેનજિત અને વિષ્ણુ નામના દશ રાજપુત્રો, પરમાત્મા નેમિનાથની દેશનાના શ્રવણથી તેમનો સંસાર ત્યાગ, સામાયિક અધ્યયનથી આચારાંગાદિ અગ્યાર અંગનો અભ્યાસ, બાર પ્રકારની ભિક્ષુ પ્રતિમાનું પાલન અને ગુણરત્ન સંવત્સર નામનો ઘોર તપ, 12 વર્ષ સુધી સંયમપર્યાયનું પાલન, શત્રુંજય મહાતીર્થમાં 1 મહિનાની અંતિમ મરણાંત સંલેખના અને તે દ્વારા કેવળજ્ઞાન અને કેવળદર્શન પામી મોક્ષગમન વગેરે વાતો સંક્ષેપમાં કરવામાં આવી છે. પ્રથમ વર્ગના ગૌતમ આદિ મહામુનિઓએ કરેલા શ્રી ગુણરત્ન સંવત્સર તપમાં 407 ઉપવાસ અને 73 પારણાં હોય છે. સોળ મહિનાના આ તપમાં પહેલા મહિને એક ઉપવાસના પારણે એક ઉપવાસ, બીજા મહિને બે ઉપવાસના પારણે બે ઉપવાસ. એમ વધતાં વધતાં સોળમા મહિને સોળ ઉપવાસના પારણે સોળ ઉપવાસ સળંગ કરવાથી કુલ 480 દિવસે આ ભીષ્મ-તપ પૂરો થાય છે. બીજા વર્ગમાં દ્વારિકા નગરીના મહારાજા વૃષ્ણિ અને મહારાણી ધારિણીના આઠ પુત્રોની વાત કરવામાં આવી છે. તે અક્ષોભ આદિ આઠે સાધકોએ ગૌતમ મુનિવરની જેમ જ આરાધના તપશ્ચર્યા કરી શત્રુંજય અન્નકૃશાંગ સૂત્ર-૧ | 63
