________________ મરણસમાધિ પ્રકીર્ણક સૂત્ર પ્રકીર્ણકસૂત્રોમાં સૌથી વિસ્તૃત અને અંતિમ આરાધનાનો સર્વાંગસુંદર ગ્રંથ એટલે શ્રી મરણસમાધિપ્રકીર્ણકસૂત્ર. રચયિતા આચાર્ય શ્રી વીરભદ્રગણી મહારાજા જણાય છે. 961 ગાથા છે. આ સૂત્ર મરણવિભક્તિ, મરણવિશોધિ, મરણસમાધિ, સંલેખનાશ્રુત, ભક્તપરિજ્ઞા, આતુરપ્રત્યાખ્યાન, મહાપ્રત્યાખ્યાન અને આરાધના સૂત્ર - આ આઠ ગ્રંથોના આધારે રચાયો છે. અંતિમ આરાધના અને મરણ સમાધિને દર્શાવનારા દરેક ગ્રંથોનો સાર આ ગ્રંથમાં ગૂંથવામાં આવ્યો છે. આરાધના ત્રણ વિભાગમાં વહેંચાયેલી છે. દર્શનારાધના, જ્ઞાનારાધના, ચારિત્રારાધના. આજ સુધી ભૂતકાળમાં જ્ઞાન અને ચારિત્રની આરાધના અનેકવાર કરી, પણ દર્શન આરાધના વિનાની. તે કારણે અનંતભવોમાં અસમાધિયુક્ત બાલમરણથી જીવો મૃત્યુ પામ્યા છે. હવે આ ભવમાં દર્શનારાધના પૂર્વક સમાધિમરણ પૂર્વકના પંડિતમરણથી જ મરવું છે, સદ્ગતિ અને મુક્તિ પામવી જ છે. આ ભાવના સંપન્ન આત્માઓને ઉદ્દેશીને પંડિત મરણના સ્વરૂપને અહીં બતાવ્યું છે. ઉડતી નજરનો સાર હવે જોઈએ. * પંડિતમરણની વિધિમાં શલ્યરહિત આરાધના કરવી જોઈએ આ વાત ઉપર ભાર મૂકતાં ગ્રંથકારે કહ્યું કે, જે ત્રણ ગારવનો ત્યાગ કરે છે, શલ્યરહિત થાય છે તે સર્વ દુઃખનો ક્ષય કરીને મુક્તિસુખને પામે ૧૪૪ના આગમની ઓળખ
