________________ કાલ, સુકાલ વગેરે દશ પુત્રો પણ હતા. જે નરસંહાર અને રૌદ્રધ્યાનના પરિણામે નરકમાં ગયા. તે ઉપરાંત યુદ્ધમાં જોડાઈને મૃત્યુ પામનારા ઉભય પક્ષના મોટા ભાગના સૈનિકો નરકગતિમાં જ ગયા. આ વાતની મુખ્યતા હોવાથી આગમનું નામ નિરયાવલિ, નરકની આવલી-શ્રેણિ છે. 2. કલ્પાવતસિકા નામનું નવમું ઉપાંગ. જેનાં દશ અધ્યયન છે. મહારાજા શ્રેણિકના દશ પુત્રોનું આમાં વર્ણન છે.જે દશે રાજપુત્રોએ સંસારનો ત્યાગ અને સંયમનો સ્વીકાર કર્યો હતો. પાંચ, ચાર. ત્રણ એમ અલગ અલગ વર્ષો સુધી સંયમ પાળી અંતે સૌએ અણસણ કર્યું. સાધનાના બળે ક્રમશ: સૌધર્મદેવલોકથી દશમા અશ્રુતકલ્પ સુધીના દેવવિમાનમાં ઉત્કૃષ્ટ સ્થિતિના દેવભવને પામ્યા. ત્યાંથી મહાવિદેહમાં મનુષ્યભવ પામી મોક્ષ પામશે. 3. પુષ્પિકા નામનું દશમું ઉપાંગ. દશ અધ્યયનમાંથી પહેલા અધ્યયનમાં જ્યોતિષેન્દ્ર એવા ચન્દ્રદેવની વાત કરવામાં આવી છે. પૂર્વભવમાં શ્રાવતી નગરીમાં અંગતિ ગાથાપતિ હતા. પુરુષાદાનીય પ્રભુ શ્રી પાર્શ્વનાથની દેશનાથી સંયમ સ્વીકાર્યું. અગ્યાર અંગના અભ્યાસ સાથે નિર્મળ સંયમ પાળ્યું. 15 દિવસનું અણસણ કરી ચન્દ્રાવતુંસક વિમાનમાં ઉત્પન્ન થયા. બીજા અધ્યયનમાં સૂર્ય વિમાનના ઇંદ્રની વાત પણ યથાવતું જણાવી છે. ત્રીજાથી દશમા અધ્યયનમાં શુક્રેન્દ્ર, બહુપુત્રિક દેવી, પૂર્ણભદ્ર, માણિભદ્ર, દત્ત, શિવ, બલ અને અનાદત નામના દેવોનું ટૂંકું વર્ણન છે. 4. પુષ્પચૂલિકા નામનું અગ્યારમું ઉપાંગ. શ્રી, હી, ધૃતિ, કીર્તિ, બુદ્ધિ, લક્ષ્મી, ઈલા, સુરા, રસ, ગંધ; આ દશ દેવીનું વર્ણન ક્રમશ: દશ અધ્યયનમાં છે. તે દરેક દેવીએ પૂર્વ ભવમાં પુરુષાદાનીય પ્રભુ શ્રી પાર્શ્વનાથ પાસે સંયમ ગ્રહણ કર્યુ હતું. કર્મવશ તે સર્વે શરીર બકુશિકા બની. કરેલી સંયમવિરાધનાની આલોચના ન કરવાના કારણે દેવી તરીકે ઉત્પન્ન થઈ. હવે મહાવિદેહમાં જન્મ પામી સંયમઆરાધવાપૂર્વકસિદ્ધ થશે. 5. વહ્નિતવૃષ્ણિ-વિષ્ણુ)દશા નામનું બારમું ઉપાંગ, જેમાં દ્વારિકા નગરી, રેવતક પર્વત, કૃષ્ણ વાસુદેવ, મહારાણી રેવતી, બાવીશમાં તીર્થપતિ નેમિનાથ પ્રભુ અને રાજકુમાર નિષધકુમારની સંક્ષિપ્ત વાતો છે. 106 આગમની ઓળખ
