________________ ***#aa ના 2 સંસ્તારક પ્રકીર્ણક સૂત્ર 122 ગાથાનું આ સંસ્તારક પ્રકીર્ણક આગમસૂત્ર. એમાં મનુષ્યભવ, જિનેશ્વર પરમાત્માના વચનોનું શ્રવણ, પ્રભુવચન પ્રત્યેની અવિહડ શ્રદ્ધા અને જિનવચનના પાલન સ્વરૂપ ચારિત્ર જીવન; જેવી ચાર ચાર દુર્લભ વસ્તુને મેળવીને શ્રમણ બનેલા સાધકોની અંતિમ સાધનાનું વર્ણન છે. જીવનભર પ્રભુવચનના સહારે નિષ્પાપ જીવન જીવી ચૂકેલો સાધક જીવનના અંત સમયે પોતાની સાધનાને પરમસીમા એ કઈ રીતે પહોંચાડે તેની અહીં વાત છે. આમ તો દશ પન્ના આગમગ્રંથોમાંથી છ પન્ના સૂત્રોમાં અંતિમ આરાધનાની જ વાત છે. છતાં આ સંસ્મારક પ્રકીર્ણક એક આગવી વિશેષતાઓથી સભર છે. જિનેશ્વર ભગવંતોમાં વૃષભ સમાન વર્ધમાન સ્વામીને નમસ્કાર કરીને સંથારાના મહિમાને વર્ણવતો પહેલો અધિકાર શરૂ થાય છે. મણિઓમાં વૈદુર્યરત્ન, સુગંધમાં ગોશીષચંદન, રત્નોમાં વજ રત્ન, વંશમાં જિનનો વંશ, સર્વકુળોમાં શ્રાવકનું કુળ, ગતિમાં સિદ્ધિગતિ, સર્વસુખોમાં મુક્તિસુખ, ધર્મોમાં અહિંસા, લોકવચનમાં સાધુવચન, શ્રુતિમાં જિનવચન, શુદ્ધિમાં સમ્યકત્વ જેમ શ્રેષ્ઠ છે તેમ આરાધનાઓમાં આ સંથારાની આરાધના શ્રેષ્ઠતમ છે. 12aa આગમની ઓળખ
