________________ 37 * ચંદ્રવેધ્યક પ્રકીર્ણક સૂત્ર ચંદ્ર એટલે ડાબી આંખની કીકી. વેધ્યક એટલે વીંધવું, જે રાધાવેધના નામે પ્રચલિત છે. રાધાવેધનો સાધક સાવધ રહે તો જ લક્ષ સાધે તેમ મરણ સમયે સમાધિ રાખનાર સાધક જ સદ્ગતિ સાધે. આમ મરણ સમયે અવશ્ય સમાધિ રાખવી આ વાત વિસ્તૃતથી સમજાવેલ હોવાથી આ સૂત્રનું નામ ચંદ્રવેધ્યક સૂત્ર છે. જેના કર્તા અજ્ઞાત મહાપુરુષ છે. 175 ગાથાનું આ સૂત્ર છે. “કેવલજ્ઞાન - દર્શનથી યુક્ત અને તે દ્વારા જગતમાં જ્ઞાનનો ઉદ્યોત કરનારા જિનેશ્વર ભગવંતોને નમસ્કાર થાઓ.” આ શબ્દોમાં પ્રારંભિક મંગલાચરણ પછી ગ્રંથકાર ભગવંતે શ્રોતાને ઉપદેશતાં કહ્યું છે કે, “શરીરથી મન ઉઠાવનારા તમે આ સૂત્રને સાંભળો. સાંભળીને પ્રમાદ ન કરતા. ગ્રંથની વાતોને જીવનમાં જીવવાનો અપ્રમત્તભાવે પ્રયત્ન કરજો.” ગ્રંથકાર મહાપુરુષની હિતબુદ્ધિ આ શ્લોકમાં ધબકી રહી છે. ત્રીજી ગાથાથી સાત દ્વારોના નામ અને વિગત ક્રમશ: બતાવી છે. 1 - વિનયગુણદ્વાર : જ્ઞાનદાતા આચાર્યનો તિરસ્કાર કરનારનું જ્ઞાન નિરર્થક છે. અભિમાની અવિનીત શિષ્ય કીર્તિ અને યશ પામતો નથી. વિનય ગુણ દુર્લભ છે, તો વિનીતને જ્ઞાન સુલભ છે. ગ્રહણ અને મનન કરેલું જ્ઞાન નિશ્ચયથી સુખપ્રદ છે. વિનયથી શીખેલા એક સૂત્રથી સમસ્ત સૂત્રોનો સાર પમાય છે. સંપૂર્ણ જ્ઞાન આપનાર આચાર્ય દુર્લભ છે, તો ખેદરહિત અને સરળચિત્ત શિષ્ય પણ ક્યાં સુલભ છે ! ૧૩જા આગમની ઓળખ
