________________ હતી કે, મહારાજા શ્રેણિક જંગલમાં રહેલા તે અણગારને ઓળખી શકે અને વંદન કરી શકે તે માટે સ્વયં પરમાત્માએ અણગારના એક-એક અવયવનું તાદશ વર્ણન કર્યું. શ્રમણશિરોમણિ તે મુનિરાજ એક મહિનાની અંતિમ સંલેખના કરી સર્વાર્થસિદ્ધ વિમાનમાં 33 સાગરોપમની સ્થિતિના દેવ થયા. શરીરની શક્તિ કરતાં આત્માની શક્તિ અનંતગણી છે, તપ એ કર્મનિર્જરાનું અનન્ય સાધન છે, ધ્યેય પ્રાપ્તિ સુધી પ્રયત્નશીલ રહેવું, ગુણવાનના ગુણોની પ્રશંસા કરવી; આવા અનેક હિતોપદેશ આ આગમમાંથી માર્ગસ્થ ક્ષયોપશમવાળા સાધકને મળી આવે છે. છતાં કેટલાક મોહમૂઢ આત્માઓ આવા આગમગ્રંથો વાંચીને પણ નિજી મિથ્થામાન્યતાઓને પુષ્ટ બનાવતા હોય છે. દા.ત. ધન્ના અણગારના જીવનને વર્ણવતાં પૂર્વે તેમના માતા ભદ્રાની વાત આવે છે. જેમણે ‘વ્યાપક વેપારની જવાબદારી પણ સંભાળી' એવો ઉલ્લેખ છે. આ વચનમાં કારણવશ પતિની ગેરહાજરીમાં તેમને સ્વીકારવી પડી હશે, અહિં માત્ર જે ઘટના બની તેનું વર્ણન છે, તેની ઉપાદેયતા નથી બતાવી' આવી માર્ગસ્થ વિચારણાને બદલે “સ્ત્રી પુરુષની સમોવડી હતી, વેપાર આદિ ક્ષેત્રોમાં સ્ત્રીઓનો પ્રવેશ હતો” આવું વિચારવું, બોલવું અને લખવું તે આગમવચનોનો દ્રોહ છે. દુરુપયોગ છે અને સમાજ અને સદાચારની ઉચ્ચતમ મર્યાદાઓના ભંગનું પાપ છે. ગીતાર્થ ગુરુની અનુજ્ઞા પ્રાપ્ત અધિકૃત શ્રમણ ભગવંતો જ આગમ વાંચનના અધિકારી છે” પ્રભુવીરની આ વાત સૌ સ્વીકારે; આ જ ભાવના. 70 આગમની ઓળખ
