________________ વર્ણન, તેઓના સંયમ અને તપનું જે વર્ણન છે, કહી શકાય કે અનુપમ, અદ્વિતીય, અલૌકિક છે. આ વિભાગ શાંતચિત્તે વાંચવામાં આવે તો નિ:સંકોચ કહેવું પડે કે આજનું સાધુપણું માત્ર ને માત્ર બાળચેષ્ટા છે. રાજવી કૂણિક સહ પર્ષદાએ પ્રભુને વિધિવત્ પ્રદક્ષિણા, વંદના, સ્તવના કરીને શુશ્રુષા ભાવે દેશનાનું શ્રવણ કર્યું. શ્રોતાની ભાષામાં પરિણમતી અર્ધમાગધી ભાષામાં અને એક યોજનગામી વાણીમાં પ્રભુની દેશના હતી. જેમાં લોકાલોકનું સ્વરૂપ, ચારગતિનાં કારણો, છજીવનિકાય, સાધુ ધર્મ અને શ્રાવકધર્મનું વિગતવાર નિરૂપણ કર્યું. પ્રભુએ દેશના પૂર્ણ કરી. પર્ષદાએ પ્રભુને નમન-વંદન કરી પ્રશંસામાં કહ્યું કે, આ લોકમાં બીજો કોઈ એવો શ્રમણ કે બ્રાહ્મણ નથી જે આવો ધર્મોપદેશ કરી શકે. પર્ષદા શક્તિ અનુસાર સર્વવિરતિ, દેશવિરતિ, સમ્યકત્વ આદિ સ્વીકારીને સ્વસ્થાને ગઈ. પછી, પ્રથમ ગણધર શ્રી ઇન્દ્રભૂતિ ગૌતમ મહારાજાએ પ્રભુને વિનયપૂર્વક 21 પ્રશ્નો પૂછ્યા છે. પ્રભુએ પણ ક્રમશ: સંતોષાત્મક ઉત્તર આપ્યા. આ પ્રશ્નોત્તરમાં અંબડ પરિવ્રાજકનું જીવન મુખ્યતા ધરાવે છે. જેમાં અંબડ પરિવ્રાજકનું વર્તમાનજીવન, 700 શિષ્યોની અંતિમ આરાધના, પ્રભુ પ્રત્યેનું આત્મસમર્પણ, સ્વીકારેલાં 12 વ્રતો, અંતિમ સંલેખના, દેવભવની પ્રાપ્તિ, મહાવિદેહમાં મોક્ષગમન સુધીનું ભાવિજીવન દર્શાવેલ છે. ગ્રંથના અંતમાં નિહ્નવો, પરિવ્રાજકો, આજીવક ઋષિઓ, અલ્પારંભી વગેરે જીવો મૃત્યુ પામી કઈ ગતિ પામે છે, તેનું સવિસ્તૃત વર્ણન છે. જેના આધારે આગમનું નામ ઔપપાતિક સૂત્ર છે. અંતે, મોક્ષે જનારા જીવોનો કેવલી સમુદ્યાત બતાવી 22 ગાથા દ્વારા સિદ્ધાવસ્થાનું સ્વરૂપ રોચક શૈલીએ વર્ણવાયું છે. 86 | આગમની ઓળખ
