________________ અધર્મી અને અસંતોષી એવો તે 500 ગ્રામનો અધિપતિ હતો. પોતાના આધિપત્યમાં રહેલા ગામના લોકોને રંજાડતો, કર ગ્રહણમાં ક્રૂર બનતો, માયા કરતો, મનમાની કરતો, સામે પડનારની મારપીટ કરતો અને નિર્દય બની જીવ લેતો. આવા - રૌદ્રધ્યાનના પરિણામે તેણે ક્લિષ્ટ કર્મ બાંધ્યાં હતાં. તેનાં તે કર્મો પ્રત્યુપુથપાપાનામદેવ મને છમ્ I' ના ન્યાયે ઉદયમાં આવ્યાં. મરણાંત અને અચિકિત્સ્ય એવા 16 મહારોગ એક સાથે તેના શરીરમાં ઉત્પન્ન થયા. ઉપાયો બધા નાકામયાબ અને વેદના પારાવાર થઈ. વિષમતાભર્યું 26 વર્ષનું આયુષ્ય પૂર્ણ કરી સિંહનો ભવ કરશે. ત્યાં ક્રૂરતાભર્યું જીવન જીવી સાતમી નરક સુધી જશે. અવાંતર તિર્યંચ અને મનુષ્યના ભવો કરશે. દરેક ભવમાં ક્રૂર બનશે. હિંસક બનશે, કર્મ બાંધશે અને દુ:ખી થશે. આવો અગણિત કાળ પસાર કરી અંતે મનુષ્ય થઈ સર્વજ્ઞકથિત ધર્મ પામશે. સંસારનો ત્યાગ પૂર્વક સંયમની આરાધનાથી મોક્ષને પામશે. આ તો થઈ પહેલા જ અધ્યયનની વાત. બાકીના અધ્યયનની સમષ્ટિગત વાત પણ એ જ છે કે, “બંધ સમય ચિત્ત ચેતીએ, ઉદયે શો સંતાપ?' ૩-સુજાત, ૪-વાસવ પ-જિનદાસ, 3. ધનપતિ, ૭-મહાબલ, ૮-ભદ્રનંદી, ૯-મહચંદ્ર, અને ૧૦-વરદત્ત આદિના ચરિત્રો દશ અધ્યયનમાં કહેવામાં આવ્યાં છે. જે સર્વેએ સુપાત્રદાનાદિ ધર્મારાધના કરી, તેનાથી બંધાયેલા પુણ્યકર્મના વિપાકરૂપે સુખ-સૌભાગ્ય પામ્યા છે, સદ્ગતિ અને મુક્તિને પામશે. આજે મળતું ભૌતિક સુખ એ પુણ્યનો વિપાક છે, જે દિવસે પુણ્ય પરવારશે તે દિવસે શું? આ પ્રશ્ન અહીં સહજ ઉદ્ભવે છે. માટે જ જ્ઞાની ભગવંતો પુણ્યના આધારે નહિ, પરંતુ આત્મિકગુણોના આધારે જીવવાનું જણાવે છે. 82aa આગમની ઓળખ
