________________ સાહિત્ય દ્વારા જનતા જનાર્દનનું કલ્યાણ થાય તે માટે ચરિત્રાત્મક સાહિત્યનું મૂલ્ય ઘણું ઊંચું છે. સાંસ્કૃતિક વારસાના રક્ષણ ને સંવર્ધનમાં આ પ્રકારનું સાહિત્ય વિશેષ નોંધપાત્ર બને છે. મનુષ્યને જીવવામાં રસ છે. આવો જીવનરસ જીવન ચરિત્રમાંથી પ્રાપ્ત થાય છે. દીપવિજયની ચરિત્રાત્મક રચનાઓ વિસ્તારવાળી નહિ હોવા છતાં વ્યક્તિ વૈવિધ્ય અને પ્રસંગોની વિવિધતાથી માનવજાતની ઉદાત્તતા - ભવ્યતા અને સાત્વિકતાનું દિગ્દર્શન કરાવવામાં સમર્થ નીવડે છે. પટ્ટાવલીનાં ચરિત્રો જિજ્ઞાસા જગાડીને પૂર્વાચાર્યોના જીવનના વિવિધ પ્રસંગો જાણવા માટે પ્રેરક ભૂમિકા સર્જે છે. કૃતિના મૂલ્યાંકનમાં સ્વરૂપલક્ષી વિગતો પણ ઉપયોગી નીવડે છે. તે દૃષ્ટિએ, ચરિત્ર સ્વરૂપની દષ્ટિએ વિચારતાં અપૂર્ણતા લાગે છતાં કવિનું લક્ષ્ય ઈતિહાસનું હોવાથી આ મર્યાદા ગૌણબને
