________________ સત્તાવીશની ગહ્લીમાં સ્પષ્ટતા કરી નથી એટલે સંક્ષિપ્ત માહિતી અહીં આપવામાં આવી છે. કવિની કેટલીક નોંધપાત્ર પંક્તિઓ જોઈએ તો“ગુરૂ મુખથી રે સુણી દેશના, સંયમે ઉલ્લસિત ભાવજો, ક્ષાયિક સમકિતનો ધણી, તરવાને ભવજલ દાવજો. ચા. રા પ્રત્યેક ગહુલીમાં ચરિત્રાત્મક નિરૂપણ દ્વારા ગુરુભક્તિ દર્શાવવામાં આવી છે. જૈન સાહિત્યમાં પ્રચલિત દુહો પણ જંબુકુમારની લોકપ્રિયતા દર્શાવે છે. “એક જંબુ જગ જાણીએ, બીજા નેમિકુમાર ત્રીજા વયર વખાણીયે, ચોથા શ્રી સ્કૂલિભદ્ર”. 13. ચક્રેશ્વરી માતાની ગરબી શત્રુંજય તીર્થ પર બિરાજમાન આદીશ્વર ભગવાનની અધિષ્ઠાયક ચક્રેશ્વરી દેવીને કેન્દ્રમાં રાખીને ગહેલી રચવામાં આવી છે. ધાર્મિક ઉત્સવોની ઉજવણી પ્રસંગે સમૂહમાં ગાવાની જરૂરિયાતોમાંથી ગરબીનો ઉદ્ભવ થયો છે. સંઘ નૃત્યનો આ એક પ્રકાર છે. તેમાં મુખ્યત્વે માતાની ભક્તિનો મહિમા ગાવામાં આવે છે. ક્રમશ ઈષ્ટદેવને પણ ગરબીમાં સ્થાન આપવામાં આવ્યું છે. ગરબી લલિત મધુર પદાવલીથી રચાયેલી હોય છે. તેમાં કવિની ભાવવાહી અભિવ્યક્તિ રહેલી છે. સંક્ષિપ્તતાએ પણ ગરબીનું લક્ષણ છે. કવિએ ચક્રેશ્વરી દેવીનું મંજુલ પદાવલીમાં શબ્દચિત્ર આલેખ્યું 140
