________________ વિનયવિજય શિષ્ય રૂપવિજયકૃત નેમરાજુલ લેખ, સજનપંડિતકૃત સ્થૂલિભદ્ર-કોશા કાગળ તથા તે કૃતિઓ પૈકી અજિતસેન-શીલવતી લેખ, ચન્દ્રગુણાવલી લેખ અને નેમરાજુલ લેખ મુદ્રિત રૂપે ઉપલબ્ધ છે. પત્ર લેખનનો ઉપયોગ બે પ્રકારનો થયેલો છે. સમગ્રકૃતિનું નિરૂપણ પત્ર રૂપે કરવામાં આવે છે. આવી રચનાનું કદ નાનું હોય છે. નેમરાજુલ લેખ આ પ્રકારનું દષ્ટાંત છે.. રાસ કે ફાગુ જેવા વિસ્તારવાળી કૃતિઓમાં તેના એક ભાગરૂપે પત્રલેખન થયેલું છે. આ પ્રકારનો પત્ર જે તે નિશ્ચિત પ્રસંગના સંદર્ભમાં સ્થાન ધરાવે છે. “અજિતસેન શીલવતી લેખ” એ બીજા પ્રકારનું ઉદાહરણ છે. મૂળભૂત રીતે તે જયવંતસૂરિકૃત શૃંગારમંજરી શીલવતી ચરિત્ર રાસમાંની કડી ક્રમાંક 2155 થી 2250 સુધીની 95 કડીનો કાવ્યખંડ છે. ઉપલબ્ધ રચનાઓ પત્રના નમૂનારૂપ છે છતાં કોઈ ચોક્કસ ઢાંચો જોવા મળતો નથી. તે 2 સીમંધરસ્વામીને વિનતી પત્ર : 3 કવિ હર્ષવિજયની સં. ૧૮૫૩ની રચના “શ્રી સીમંધર સ્વામીની વિનંતિ” પત્ર રૂપે લખાયેલી છે. તેમાં પત્ર લખવાના પ્રારંભમાં સ્વસ્તિ શ્રી લખાતું હતું તે રીતે શરૂઆત કરીને પત્રની રચના 16 કડીમાં કરી છે. સ્વસ્તિશ્રી મહાવિદેહક્ષેત્રમાં, જીહાં રાજે તીર્થકર વીશ; તેને નમું શિશ, કાગળ લખું કોડથી. મનપા 247
