________________ પાનામાં છે. તેમાં મંદિરનું દ્રષ્ટાંત, પ્રાયશ્ચિત લેવા સંબંધી વિચારો, લક્ષ્મણા સાધ્વીનું દ્રષ્ટાંત, અને તે સંબંધી અન્ય કથાઓનો સંદર્ભ આપ્યો છે. કવિએ સંક્ષેપમાં મહાનિશીથની માહિતી છઠ્ઠા અધ્યયનમાં આપી છે. તેમાં નોંધપાત્ર વાક્ય એ છે કે - “ઈત્યાદિ બહુ વાત છે તે પાનાંથી જોઈ લેવું તેનો અર્થ એમ થાય છે કે વિશેષ જિજ્ઞાસા માટે મહાનિશીથ સૂત્રનાં મૂળ પાઠ દર્શાવતાં પાનાં જોવાં જોઈએ. અહીં પ્રાથમિક માહિતી આપવામાં આવી છે. કવિના પોતાના જ શબ્દો છે કે - છે. ઈતિ મહાનિશીથે 6 અધ્યયન બે ચૂલિકા લેસ વર્ણવ જે પ્રમાણે શ્રી સંઘ શ્રાવક પૂછયું તે પ્રમાણે મહાનિશીથ સૂત્ર પ્રમાણે એહવું ભાસ્થવ હગીગત લખી છે.” આ ભૂમિકાને આધારે કવિની મારવાડી હિન્દી અને ગુજરાતીના મિશ્રણવાળી ભાષામાં વાંચવાથી મહાનિશિથ સૂત્ર અંગેનો પ્રત્યક્ષ પરિચય થશે. તેનાં દ્રષ્ટાંતોમાં વર્ણન નથી પણ સંક્ષિપ્તમાં કથાના મુખ્ય પ્રસંગ દ્વારા જૈન તત્ત્વ દર્શનના મનનીય વિચારો સમજી શકાય છે. ઉત્સુત્ર ભાષા બોલવી, શલ્ય રહિત તપ કરવો, કુશીલનો સંગ, કર્મ વિપાકની સ્થિતિ, પ્રાયશ્ચિતની વિધિ ને વિશુધ્ધનો માર્ગ દ્રવ્ય અને ભાવપૂજા, સંઘયાત્રા વગેરે વિવિધ વિષયોનો મિતાક્ષરી ઉલ્લેખ છે. આગમ સૂત્રનો પરિચય કરાવતી ગદ્ય રચના એમની ગદ્યશૈલીના વિશિષ્ટ ઉદાહરણ રૂપ છે. 305
