________________ ઉપસંહાર કવિરાજ દીપવિજયની કૃતિઓનું સંશોધન કરીને સમીક્ષા કરવા માટેનો ધર્મ અને સાહિત્યની દ્રષ્ટિએ પ્રયત્ન કર્યો છે. ધાર્મિક વિગતોનો વિસ્તાર કર્યો નથી કારણ કે તેનાથી સાંપ્રદાયિક્તાના પૂર્વગ્રહને કારણે અધ્યયન અને અવલોકનમાં ધર્મ બાધકરૂપ બને. પરિણામે તુલનાત્મક હેતુથી અન્ય રચનાઓ અને જૈનેત્તર સંદર્ભ આપીને કવિરાજની સર્જક પ્રતિભાને મૂલવવામાં આવી છે. આજે સાહિત્યમાં નવાં વલણો, વહેણો ને વિચારધારા પ્રવર્તી રહી છે ત્યારે કવિના સાહિત્યને સંસ્કૃતિ અને સંસ્કાર મૂલક વારસાના વફાદાર કવિ તરીકેની એમની સિધ્ધિઓ ને મર્યાદાઓ દર્શાવી છે. એમની ઉપલબ્ધ થયેલી અપ્રગટ રચનાઓ પ્રગટ કરવામાં આવી છે. “હસ્તપ્રતો મેળવવાનો પ્રયત્ન અને પ્રાપ્તિ એ સંશોધકના પરિશ્રમ અને ધીરજની કસોટી છે. કવિરાજની બે પ્રબંધ કૃતિઓ, રાજા માનસિંહ અને શેઠ હેમાભાઈ, જંબુસર, સિનોર, ખંભાત, પાલનપુર, ઉદયપુરની ગઝલો, પર્વતિથિ અંગે પત્ર, મૂર્તિપૂજા, પ્રશ્નોત્તર, આત્મચિત્તવૃત્તિ પત્રિકા, કૃતિઓ પ્રાપ્ત થઈ શકી નથી. પ્રથમ પ્રકરણમાં એમની કૃતિઓની યાદીમાં તેનો નામ નિર્દેશ કર્યો છે. ગઝલો સ્થળ વર્ણનની હોવાથી સુરત અને વડોદરાની ગઝલ સમાન હશે એમ માનીએ તો તે ઉચિત લેખાશે. કલાસસાગરસૂરિ જ્ઞાનમંદિર-કોબા, નગીનભાઈ પૌષધશાળાપાટણ અને લીંબડી હસ્તપ્રત ભંડારનો સહકાર મળ્યો છે તેના પરિણામે મારું કાર્ય પૂર્ણ થયું છે. 337
