________________ વિગતો, અડસઠ આગમની પૂજામાં જૈન ધર્મ અને સાહિત્યના કિમતી વારસાના વર્ણન દ્વારા શ્રુતજ્ઞાન પ્રત્યેની અપૂર્વ ભક્તિ, કવિની સ્થળવિષયક ગઝલોમાંથી પ્રગટ થતું સમકાલીન સ્થળચિત્ર ને વાતાવરણ વગેરે લઘુ અને દીર્ઘ કતિઓ આના ઉદાહરણરૂપ છે. કવિની અભિવ્યક્તિમાં લાઘવતા પણ રહેલી છે. ઘણા થોડા શબ્દોમાં સંયમ જીવનનો પરિચય આપતાં કવિ જણાવે છે કે - છંડ્યાં કંચન કામિની, ઇંડયાં રાજ ઉદાર સા. છંડયાં મોહ કુટુંબના, ધનધન એક અણગાર.” ' ધાર્મિક સાહિત્યની સૃષ્ટિમાં ચમત્કારના પ્રસંગો જનસાધારણને વધુ આકર્ષે છે. આવા ચમત્કારો ગુરુના અપૂવ જ્ઞાન અને સાધનાના પ્રભાવથી દેવ-દેવીઓની પ્રત્યક્ષ કે પરોક્ષ સહાયથી સર્જાય છે. માનદેવસૂરિએ લઘુ શાંતિની રચના કરીને સાકંભરી નગરીમાં મરકીનો ઉપદ્રવ શાંત કર્યો, બાણ અને મયુરની વિદ્વત્તા સિધ્ધ થવાના પ્રસંગે સરસ્વતી દેવી પ્રગટ થઈને બન્ને સમાન છે એવો જવાબ આપવો, માનતુંગસૂરિએ ભક્તામર સ્તોત્રની રચના કરી ને એક એક લોકના પ્રભાવથી લોખંડની બેડીઓ તૂટી-ગઇ, રોહિણીના નાના બાળકનું દેવદ્રારા રક્ષણ, પલ્લવ પાર્શ્વનાથની ઉત્પત્તિ, શાંતિચંદ્રસૂરિ દ્વારા અકબર બાદશાહ અને હુમાયુની મુલાકાત કરાવવી, શાહી નોબત વાગવી તે પ્રસંગ, સિધ્ધસેન દિવાકરની કલ્યાણ મંદિર સ્તોત્રની રચના, કેસરીયા તીર્થના સ્તવનમાં ગાયો દૂઝતી થઈ તે પ્રસંગ, વગેરેમાં ચમત્કારનું નિરૂપણ થયેલું છે. આ ચમત્કારો ભક્તોની શ્રધ્ધા દ્રઢ કરે છે. અને ધર્માભિમુખ થવા પ્રેરે છે. 325
