________________ ત્રણ કાવ્ય પ્રકારનો સમન્વય થયેલો છે. તે દૃષ્ટિએ દેવવંદનનો અભ્યાસ એક સાથે ત્રણ કાવ્ય પ્રકાર પર પ્રકાશ પાડે છે. ચિત્તમાં ઉદ્ભવતી લાગણીને વ્યક્ત કરવા માટે પદ્ય જેવું અન્ય કોઈ માધ્યમ નથી ત્યારે ભક્તજનોને પ્રભુ ભક્તિમાં તાદાભ્ય સાધવા માટે એકી સાથે ત્રણ કાવ્ય પ્રકારોનો સમન્વય સધાયો છે. હસ્તપ્રતનો અભ્યાસ કરતાં કેટલીક મહત્ત્વની વિગતો નીચે મુજબ નોંધવામાં આવે છે. પાંચમા જોડાના સ્તવનમાં કવિએ રચના સમયનો ઉલ્લેખ કરતાં જણાવ્યું છે કે - સંવત અઢાર વ્યાસી સમે એ, દીપવિજય કવિરાજ" સંવત ૧૮૮૨માં જંબુસર નગરના કપૂરચંદના પુત્ર કલ્યાણચંદની પ્રેરણાથી દેવવંદનની રચના કરી છે. આરંભમાં સોહમ કુળ કલ્પવૃક્ષ તપની વિધિ ગદ્યમાં જણાવી છે. ત્યાર પછી પાંચ જોડા દેવવંદનની ક્રમિક રચના થયેલી છે. દેવવંદનની વિધિ અનુસાર ચૈત્યવંદન, સ્તુતિ અને સ્તવન પ્રકારની કૃતિઓનો સમાવેશ થયેલો છે. મહાવીર સ્વામી વિષયક ચૈત્યવંદન, થાય અને સ્તવન અન્ય સ્તવનાદિ સંગ્રહમાં પ્રકાશિત થયેલી છે. ચરમ તીર્થકર શ્રી મહાવીરસ્વામી આસન્ન ઉપકારી હોવાથી કવિએ એમના જીવનના પ્રસંગોને કેન્દ્રમાં રાખીને દેવ વંદનની રચના દ્વારા અનન્ય ભક્તિભાવ પ્રદર્શિત કર્યો છે. ભગવાનના અગિયાર ગણધર અને દરેકને જે સંશય હતો તેનું દુહામાં નિરૂપણ કર્યું છે. ચૈત્યવંદનમાં ભગવાનના જન્મથી નરકમાં પ્રકાશ થવો, યુગપ્રધાન અને તેની સંખ્યા, ભગવાન મહાવીર અને એમની પાટ પરંપરાએ થયેલા આચાર્યો ભગવાનના કા 268
