________________ વિજય લક્ષ્મીસૂરિ સ્તુતિમાળા' વિશે ઐતિહાસિક લેખ સંગ્રહને આધારે નીચે જણાવ્યા પ્રમાણેની માહિતી પ્રાપ્ત થાય છે. વિજય લક્ષ્મીસૂરિ સ્તુતિમાળા દીપવિજયજીએ બારેજામાં ચાતુર્માસ કર્યું હતું તે વખતે સંઘનો આગ્રહ અને કુંવરજી શાહની પ્રેરણાથી જ્ઞાનદાતા ગુરુ પ્રત્યેની ઉપકારની ભાવનાને વશ થઈને ઉપરોક્ત સ્તુતિમાળાની રચના કરવામાં આવી હતી. પટ્ટાવલીમાં કવિએ ગુરુના જ્ઞાનો-પાસનાનો વિસ્તારથી ઉલ્લેખ કર્યો છે. લક્ષ્મીસૂરિએ આયંબિલ તપની આરાધના કરીને સરસ્વતી સાક્ષાત્કાર કર્યો હતો. સરસ્વતીદેવીએ અમૃત પ્યાલો પીવડાવ્યો હતો. એમની વ્યાખ્યાન વાણી મધુર, બોધક અને આકર્ષક હતી. તેઓ જ્ઞાની અને કષાય રહિત હોવાથી દરેક સ્થાનમાં અત્યંત સન્માન-સત્કારથી તેમને આવકાર આપવામાં આવતો હતો... ગચ્છના ભેદ નિવારવા માટે પુરૂષાર્થ કર્યો હતો. રાજવીઓ પણ આ આચાર્ય ભગવંત પ્રત્યે આદર ભાવ રાખીને પૂજ્ય ગણતા હતા. પાલી મારવાડના પ્રતિમાં ઉત્થાપક ગોડીદાસને શાસ્ત્રના પાઠ દર્શાવી-સમજાવીને પ્રતિબોધ પમાડવાનું મહાન પુણ્ય કાર્ય કર્યું હતું. સંદર્ભ : ઐતિહાસિક લેખ સંગ્રહ લે. પંડિત લાલચંદ્ર પા. 473 ભગવાનદાસ ગાંધી પ્રકાશક : પ્રાચ્ય વિદ્યામંદિર, એમ.એસ. યુનિ. વડોદરા. 260
