________________ પદ્માવતી, ચકેશ્વરી, અંબિકા વગેરેને કેન્દ્રમાં રાખીને છંદ રચનાઓ ઉપલબ્ધ થાય છે. તેમાં પણ ઉપરોક્ત પ્રકારની અભિવ્યક્તિ સર્વસામાન્ય રીતે થયેલી જોઈ શકાય છે. કોઈ પાત્રનો પ્રભાવ ને મહિમા દર્શાવવામાં નવીનતા નથી. માત્ર પાત્રગત અંગોપાંગની અભિવ્યક્તિમાં કલાત્મક અંશો જોઈ શકાય છે. (2) માણિભદ્રની આરતી : દીપવિજય કવિએ માણિભદ્રના છંદ અને આરતીની રચના કરી છે. એમની અન્ય આરતીમાં નંદીશ્વર દ્વીપ અને અષ્ટાપદનો સમાવેશ થાય છે. જ્યાં જ્યો મા જુગત અંબે એ હિન્દુ ધર્મની પ્રચલિત આરતીના રાગમાં કવિએ માણિભદ્રની આરતી રચી છે. માણિભદ્ર એ સમકિતધારી દેવ છે. અને ભક્તોના મનોવાંછિત પૂર્ણ કરે છે. એમ જણાવીને એમનો મહિમા ગાવામાં આવ્યો છે. સાત કડીની આ આરતી આજકાલ જૈન સમાજમાં વિશેષ પ્રચલિત છે. આરંભની કડી “જય જય, નિધિ, જય માણિકદેવા, જય માણિકદેવા” છે. કવિએ માણિભદ્રના અવનવાં વિશેષણો આપીને સ્તુતિ કરી છે. વીરાધિ, વાંછિત દાતા, માતા પિતા, સહોદર, સ્વામી, જગત્રાતા, ભૈરવ, મહાદીવો, કલ્પતરૂ, ધન વગેરે વિશેષણો માણિભદ્રનો મહિમા દર્શાવે છે. માણિભદ્રની ઉપાસનાથી સર્વ પ્રકારના ભયનું નિવારણ થાય છે. કવિ તેની અભિવ્યક્તિ કરતાં જણાવે છે કે 263
