________________ બીજી ઢાળ - જંબુદ્વીપના જયપુર શહેરમાં જયસેન રાજા રાજ્ય કરતો હતો. આ નગરમાં ધનદત્ત નામનો શેઠ હતો. તેને સાત પુત્રો હતા. તેઓ ધર્મ કરણીમાં અપૂર્વ શ્રધ્ધા રાખતા હતા. કોઈ બીજા નગરના શેઠ રાજપાલ પોતાના પુત્ર તેજપાલ સાથે ધંધાર્થે આવીને ધનદ શેઠને ત્યાં રહ્યા. શેઠ ધર્મપરાયણ હોવાથી વેપારને બદલે સાધર્મિકના સંબંધથી ભક્તિ કરી. ત્રીજી ઢાળ - તીર્થનો મહિમા ગાવામાં આવ્યો છે અને સ્થાવર જંગમ તીર્થનો ઉલ્લેખ થયેલો છે. તેજપાલની ઇચ્છા તીર્થયાત્રા કરીને જીવન સફળ કરવાની છે, તેનો નિર્દેશ કરવામાં આવ્યો છે. ચોથી ઢાળ - પ્રસંગની મહત્વની વિગતો પ્રગટ થયેલી છે. તેજપાલે ધનદત્ત શેઠ પાસેથી યાત્રા નિમિત્તે અગિયાર હજાર પાંચસો તેત્રીસ સોનૈયા લીધા અને કહ્યું કે મારા ખાતે લખજો. કમનસીબે તેજપાલ યાત્રા કરીને પાછો ફર્યો ત્યારે માર્ગમાં જ તેનું અવસાન થયું. અંતરમાં શુભ ભાવના હોવાથી શુભગતિ થઈ. ધનદત્ત શેઠ મરીને સંગમ નામે ગોવાળ થયો. આ ભવમાં મુનિને ખીર વહોરાવી ત્યારે મનના શુભ પરિણામ ને પૂજય ભાવ હોવાથી શુભ કર્મબંધ કરી મરણ પામ્યો ને શાલીભદ્ર તરીકે જન્મ થયો. જયારે તેજપાલ એ ગોભદ્ર શેઠ થયો. આમ બને જણ પિતા-પુત્ર તરીકે અવતર્યા. તેજપાલે યાત્રા નિમિત્તે લીધેલી રકમ આપી ન હતી. દેવું રહી ગયું હતું તે ગોભદ્ર શેઠ મરીને દેવલોકમાં ગયા અને રોજ નવાણું પેટી ધન શાલીભદ્રને આપતા હતા. આમ પૂર્વ ભવનું 222
