________________ હાં રે તપસી મુનિવર અનુસરીયે”. કવિએચઉમાસી પારણું આવે એ દેશીનો પ્રયોગ કરીને કાવ્યને અનુરૂપ લય સિધ્ધ કર્યો છે. મુનિ જીવનમાં તપની સાધના કરવામાં આવે છે. જેનાથી ભવસમુદ્રનો પાર પામી શકાય છે. મુનિ સમતાભાવ રાખનારા હોય છે. કવિ જણાવે છે કે “નિંદક પૂજક ઉપરે સમભાવે, હાં રે પૂજક પર રાગ ન આવે;” પરા મુનિ જીવનનો પરિચય આપતાં કવિ જણાવે છે કે તેઓ કંચન -કામિનીના ત્યાગી હોય છે. ક્રોધ, માન, માયા, લોભની ચોકડી અને તેના ત્રણ ભેદ અનંતાનુબંધી અપ્રત્યાખ્યાનીય પ્રત્યાખ્યાન એ ત્રણ ભેટવાળા કષાયના ત્યાગી હોય છે. 42 દોષ રહિત નિર્દોષ ગોચરી ગ્રહણ કરવી, ચરણ કરણાનુયોગના પાલક વગેરે ગુણ યુક્ત મુનિરાજ હોય છે. મુનિ જીવનમાં આ રીતે આત્માની વિશુધ્ધિ માટેનો પુરુષાર્થ કરવામાં આવે છે. વળી સાધુ ચાર કષાયના ચાર ભેદથી 16 થાય અને નવ નોકષાય એમ પચ્ચીસ ભેદના ત્યાગી સંજય રસના દરિયા અને જિન શાસનના પ્રભાવક કહ્યા છે. કવિએ પૂર્વે આરાધક મુનિઓનો દષ્ટાંત રૂપે જણાવીને મુનિ જીવનમાં પ્રેરણા મળે તેનો સંદર્ભ આપતાં જણાવ્યું છે કે હાં રે ચિત્ર સંભૂતિને વળી હરિકેશી હાં રે અનાથી મુનિ શુભલેશી હાં રે ગૌતમ ગણધર વળી કેશી હાં રે બેઉના અણગાર શ્રી દા 227
