________________ સાય વિશેષ. સ્તુતિ તરંગિણીમાં માનદેવસૂરિની સઝાયનો સંચય થયેલો છે. આ રચનામાં પટ્ટાવલીના બીજા ઉલ્લાસની ૧૦મી ઢાળમાં માનદેવસૂરિનું વૃત્તાંત છે. તેને સઝાયરૂપે પસંદ કરીને ઉપરોક્ત પુસ્તકમાં સ્થાન આપવામાં આવ્યું છે. આજ રીતે રોહિણીનું વૃત્તાંત ત્રીજા ઉલ્લાસની ૩૩મી ઢાળમાં છે. તે પણ રોહિણી સ્તવન તરીકે સ્વતંત્ર રીતે સ્તુતિ તરંગિણીમાં સ્થાન પામ્યું છે. માનદેવસૂરિનું વૃત્તાંત સઝાય સ્વરૂપે પ્રગટ થયું છે. તેનો હેતુ જિન શાસનની પ્રભાવના અને એમની સાધના ચારિત્ર ધર્મના પાલનની વિશુધ્ધ ભાવના પ્રગટ થાય છે. વૈરાગ્ય ભાવ એ ચારિત્ર ગ્રહણ કરવા ને તેમાં સ્થિર થવા આલંબન રૂપ છે. એટલે સાધુ જીવનમાં વૈરાગ્ય પોષક ક્રિયા અને જ્ઞાનનો સમન્વય સધાયેલો હોય છે. “ત્યાગ ન ટકે વૈરાગ્ય વિના” એવી અખાની ઉક્તિ અધ્યાત્મ માર્ગના પ્રવાસીઓને માટે ચિંતન, મનન ને આચરણરૂપ બને છે. 2. મુનિચંદનાની સઝાય : આ સજઝાયની 9 કડીમાં મુખ્યત્વે સાધુ જીવનનો મહિમા ગાવામાં આવ્યો છે. તેમાં પૂર્વે થઈ ગયેલા મુનિ ભગવંતોનો નામોલ્લેખ કરીને સંયમધર મહાત્માઓને ભાવપૂર્વક વંદના કરવામાં આવી છે. આરંભની પંક્તિ નીચે મુજબ છે. “શ્રી મુનિરાજ વંદના નિત કરીએ, - 226
