________________ ભવ્ય બનાવે છે. પ્રસંગ વર્ણન કરતું આ ચૈત્યવંદન કવિની સીધી સાદી વાણીનો નમૂનો છે. (2) મહાવીર સ્વામીનું ચૈત્યવંદન મહાવીર સ્વામીના ચૈત્યવંદનમાં કવિએ ભગવાનના જન્મનો પ્રભાવ દર્શાવ્યો છે. “નારકાડપિ મોદત્તે યસ્ય કલ્યાણ પર્વસુ” આ પદનો ચૈત્યવંદનની ૬ઠ્ઠી કડીમાં વિસ્તાર કર્યો છે. ટૂંકમાં ભગવાનના જન્મકલ્યાણકના પ્રસંગથી નરકના જીવો ક્ષણિક સુખાનુભવ કરે છે તે દર્શાવીને પ્રભુ મહાવીર સ્વામીનો મહિમા ગાયો છે. નરકના જીવોની વેદનાનો મિતાક્ષરી પરિચય ઘડીભરને માટે કરૂણ રસથી આદ્ર બનાવે છે. “સર્વ નરકના નારકી, માંહો માંહે લડે ધામ, ભેદન છેદન દુઃખ ઘણાં, દુષ્ટકર્મ દુઃખદાય.” પાતા સાતે નરકમાં અજવાળાં થયાં તે માટે કવિએ વીજળીના ઝબકારની ઉપમાથી દર્શાવ્યું છે. “વીજ ઝબકીની પરે, સાતે નરક મોઝાર; તે સમયે ઉદ્યોતથી, સહુને હોય વિચાર” પાપા આવા પ્રભુ મહાવીરનું શાસન એકવીસ હજાર વર્ષ સુધી અવિચ્છિન્નપણે ચાલશે અને જીવો આત્મકલ્યાણ કરી સમતિ પ્રાપ્ત કરશે એવો આશાવાદ ચૈત્યવંદનમાં સમાયેલો છે. 220
