________________ - પ્રકરણ-૮ (1) સ્તુતિ (1) સંસ્કૃત સાહિત્યમાં સ્તોત્ર રચના દ્વારા ઈષ્ટદેવની સ્તુતિ કરીને એમનો મહિમા દર્શાવવામાં આવે છે. સ્તોત્ર કાવ્યની સાથે સામ્ય ધરાવતો સ્તુતિ કાવ્ય પ્રકાર જૈન સાહિત્યમાં વધુ વિકાસ પામ્યો છે. પ્રતિક્રમણની પવિત્ર ક્રિયા ને તપ પૌષધની આરાધના જિનદેવદર્શનમાં સ્તુતિનો પ્રયોગ વિશેષ રીતે થાય છે. સાધુ કવિઓએ વિવિધ વિષયો પર સ્તુતિ રચનાઓ કરીને સાહિત્યને સમૃધ્ધ કર્યું છે. કવિરાજ દીપિવિજયે ષઅતિશય ગર્ભિત સામાન્ય જિન સ્તુતિની રચના કરી છે. આ સ્તુતિની ચાર કડીમાં ભગવાનના છ અતિશયનું નિરૂપણ કરવામાં આવ્યું છે. કવિએ શ્રી શત્રુંજય તિરથ સાર” રાગમાં સ્તુતિની રચના કરી છે. * તીર્થકર ભગવાનના ચોત્રીશ અતિશય હોય છે. તેમાં જન્મથી ચાર, કર્મક્ષયથી અગિયાર અને દેવતાઓથી ઓગણીસ એમ 34 અતિશયવંત ભગવાન કહેવાય છે. કવિએ પહેલી ગાથામાં 2, બીજીમાં 1, ત્રીજીમાં 1 અને ચોથીમાં 2 એમ છ અતિશયયુક્ત સ્તુતિ રચી છે. તીર્થંકર ભગવાનના જીવનમાં દીક્ષા કલ્યાણકના પ્રસંગનું મહત્વ મોક્ષમાર્ગના સોપાન સમાન છે. દીક્ષા પ્રસંગે વર્ષીદાન આપવામાં આવે છે. ત્યારે સૌધર્મઇન્દ્ર અખૂટ ધનસંપત્તિ ભૂમિમાં 212
