________________ જ્યારે ચોથી ગાથામાં દેવ-દેવીનો કોઈ ઉલ્લેખ નથી. અપવાદ રૂપ આવી સ્તુતિઓ પણ જૈન સાહિત્યમાં મળી આવે છે. ટૂંકમાં મહાવીર સ્વામીની સ્તુતિ એટલે નંદનમુનિના રૂપમાં ભવમાં એમણે કરેલી આરાધના અને ઉર્પોજન કરેલું તીર્થકર નામકર્મ. ભગવાન મહાવીરના પૂર્વજન્મનું પ્રસંગવર્ણન કરીને એમનો મહિમા ગાવામાં આવ્યો છે. (સંદર્ભ- પ્રાચીન કાવ્ય મહોદધિ ભા-ર-પા-૩૦૧) (3) સામાન્ય જિન સ્તુતિ કવિએ ભગવાનના જન્મ કલ્યાણકને મિતાક્ષરી વાણીમાં વર્ણવ્યું છે. ભગવાનના જન્મ પછી છપ્પન દિકકુમારીકાઓ મેરૂપર્વત પર એમનો જન્મ મહોત્સવ ઉજવે છે. તેનું અનુસંધાન આ સ્તુતિમાં થયેલું છે. આ સ્તુતિમાં “પુંડરીક મંડન પાયે પ્રણમિજે” એ રાગનો પ્રયોગ થયો છે. કવિની આ રચનામાં મંજુલપદાવલીઓનો સમાવેશ થયેલો છે. કવિએ છપ્પન દિકકુમારીકાઓ જન્મોત્સવ વખતે શું કાર્ય કરે છે તેનો ઉલ્લેખ કર્યો છે. કવિ વીરવિજયજી કૃત સ્નાત્ર પૂજામાં પણ આવો ઉલ્લેખ મળી આવે છે. ભગવાનનો જન્મ થાય એટલે ઈન્દ્ર અને દેવો તથા છપ્પન દિકકુમારીકાઓ ભગવાનનો જન્મ મહોત્સવ ઉજવે એવો એમનો આચાર છે તેનું વિશુધ્ધ ભક્તિ ભાવથી પાલન કરીને સ્વસ્થાને સિધાવે છે. ઈન્દ્રનું આસન કંપવાથી દેવ-દેવીઓને ભગવાનના જન્મના સમાચાર જાણવા મળ્યા એટલે સૌ કોઈ પોતાના આચાર પ્રમાણે 216
