________________ ઉત્કૃષ્ટ તપની આરાધનાનો પ્રસંગ ગૂંથી લીધો છે. તેનો સંદર્ભ કલ્પસૂત્રના ચોથા વ્યાખ્યાનમાં આવે છે. તદુપરાંત સત્તાવીશ ભવના સ્તવનમાં પણ આ માહિતી સ્થાન પામેલી છે. - સ્તુતિની આરંભની પંક્તિ જોઈએ તો “પ્રભુભવ પચ્ચીશમે નંદનમુનિ મહારાય” પહેલી ગાથામાં નંદનમુનિએ અગિયાર લાખ એંસી હજાર છસો ને પીસ્તાલીશ માસ ખમણની તપશ્ચર્યા કરી તેનો ઉલ્લેખ કર્યો છે. બીજી ગાથામાં નંદનમુનિએ વીશસ્થાનક તપની આરાધના કરી હતી તે સ્થાનકોની અને ત્રીજી ગાથામાં મુનિના ઉત્કૃષ્ટતપની અને અન્ય ગુણો જેવા કે મુનિ માર્ગસાધક, તપની શુધ્ધભાવના, સમતિ, સમતા, ત્રણ ગુપ્તિયુક્ત, શ્રતધર વગેરે ગુણો નંદનમુનિનો લાક્ષણિક પરિચય આપીને તીર્થંકર નામકર્મ ઉપાર્જન કરવાની ભૂમિકા દર્શાવે છે. ચોથી ગાથામાં કવિએ નંદનમુનિએ ગુરૂ પોટ્ટીલાચાર્ય પાસે દીક્ષા લઈને એક લાખ વર્ષ સંયમ પાળી આયુષ્ય પૂર્ણ થતાં દશમા પ્રાણાંત કલ્પ નામના દેવલોકમાં ઉત્પન્ન થયા તેમ જણાવ્યું છે. ભાવિતીર્થકરના આત્માને વંદન કરતાં જયજયકાર થાય છે એવો ભાવ કવિએ વ્યક્ત કર્યો છે. સ્તુતિના બંધારણનું અહીં અનુસરણ થયેલું નથી. - ત્રીજી ગાથામાં શ્રતધર શબ્દપ્રયોગ દ્વારા જ્ઞાનની સ્તુતિનો સંદર્ભ મળે છે. 215
