________________ શુભ શણગાર સજી કરી મોતી વડે ભરી થાળ હો, શ્રદ્ધા પીઠની ઉપર પૂરે ગહ્લી વિશાળ હો. અ.સ.વી. દા (23) ગલીમાં જિનવાણીને પણ ગૂંથી લેવામાં આવે છે. દીપવિજયની 7 કડીની આ ગહુંલીનું “અધ્યાત્મ' શીર્ષક આપવામાં આવ્યું છે પણ તેમાં “જિનવાણી અને તેનો પ્રભાવ કેવો છે તેનું વર્ણન કરવામાં આવ્યું છે. “ભવિ તુમે વંદો રે શંખેશ્વર જિન રાયા” એ દેશીમાં ગહુલીની રચના કરવામાં આવી છે. આરંભની પંક્તિથી જ જિનવાણીનો સંદર્ભ મળે છે. “અમૃત સરખી રે સુણીએ વીરની વાણી” આ ગહુલીમાં ભગવાનનો ઉપદેશ તત્ત્વજ્ઞાન વિષયક છે. તેવા શબ્દોનો ઉલ્લેખ થયેલો છે. પાંચ અસ્તિકાય, ચેતન - પદાર્થોની નિત્યાનિત્ય સ્થિતિ, દ્રવ્ય-ગુણ અને પર્યાય, નયથી અભિવ્યક્તિ સામાન્ય અને વિશેષ એમ ર૧ ગુણયુક્ત વાણી, ચઉભંગી, ચારનિક્ષેપ, વગેરે તાત્વિક પરિભાષાના શબ્દોનો ઉલ્લેખ કરીને વાણીનો લાક્ષણિક પરિચય આપ્યો છે. વાણીનો પ્રભાવ દર્શાવતાં કવિ કહે છે કે “યોજન ગામિની વાણી, નિજ નિજ ભાષાએ સહુ સમજે” “વાણીની બલિહારી'' આમ જિનવાણી પ્રભાવશાળી છે.' કવિએ જિનવાણી દ્વારા મહાવીરસ્વામીનો સંદર્ભ આપતાં જણાવ્યું છે કે એમના ભાઈ નંદીવર્ધનની પટ્ટરાણી ચાર મંગલ ગાઈને ગહુલી રચી મોતીડે વધાવે છે. અહીં કવિની ચિત્રાત્મક અભિવ્યક્તિનો પરિચય થાય છે. 145
