________________ નિમિત્ત છે. દ્રવ્ય પૂજામાંથી ભાવપૂજામાં પ્રયાણ કરવાનું છે. કવિના પોતાના જ શબ્દોમાં આ માહિતી જોઈએ તો - “ભાવ સ્તવ મુનિવર કરે, ચારિત્ર જિન ગુણ ગ્રામ, જેહથી શિવ સંપદ વરે, અક્ષય અવિચલ ઠામ. . 3 મા દ્રવ્ય સ્તવન જિનપૂજના, ત્રિવિધ પંચ પ્રકાર, આઠ સત્તર એકવીશની, અષ્ટોત્તર જયકાર. . 4 શ્રાવક કરણી દોય છે, દ્રવ્ય ભાવ ગુણગ્રામ સીંચે ભાવ જલે કરી, સમક્તિ તરૂવર ઠામ પ પ્રથમ પૂજા બે વિભાગમાં વહેંચાયેલી છે. પહેલી ઢાળમાં પૂર્વે કવિજનોએ પૂજા રચી છે. તેનો નામોલ્લેખ કરીને અષ્ટાપદની પૂજાની રચના કરું છું એમ જણાવ્યું છે. વિજય લક્ષ્મીસૂરિની વીશ સ્થાનક તપની પૂજા, યશોવિજયજી ઉપાધ્યાયની નવપદની પૂજા, રૂપવિજયની 45 આગમની પૂજા, વીરવિજયની 64 પ્રકારી બાર વ્રતની પૂજા, 45 આગમની પૂજાનો ઉલ્લેખ કર્યો છે. પછી પોતાની પૂજા રચનાનો ઉલ્લેખ કરતાં જણાવે છે કે “અસ્મતકૃત પૂજા અખેરે અડસઠ આગમ દેવ રે. જૈન ધર્માનુસાર અષ્ટાપદ પર્વત કયાં આવ્યો છે તેની માહિતી આપતાં કવિ જણાવે છે કે અષ્ટાપદ પર્વત સિદ્ધાચલ પર્વતથી આશરે એક લાખ પંચાશી હજાર ગાઉ દૂર છે. અષ્ટાપદની આકૃતિની રચના કરીને અથ્યકારી પૂજા કરવા માટેનું વિધાન કર્યું છે. કવિએ કાળચક્રના સંદર્ભ દ્વારા ત્રીજા આરામાં રૂષભદેવ ભગવાન નાભિરાજાના કુળમાં ઉત્પન્ન થયા તેમ દર્શાવીને અયોધ્યા નગરીની ભૌગોલિક માહિતી આપી છે. 172
