________________ રૂષભદેવ ભગવાનના શાસનમાં અર્ધા આરાના સમયે આટલી મોટી સંખ્યામાં સિદ્ધિપદ પામ્યા જયારે બાકીના 23 તીર્થકરોના સમયમાં પણ લોકો સિદ્ધિને પામશે. એક તરફ ઋષભદેવ ભગવાનનું શાસન અને બીજી તરફ 23 તીર્થકરોનું શાસન, આ બેમાં રૂષભદેવનું શાસન જયવંતુ ને ધન્ય ધન્ય કહેવાય છે. બીજી ઢાળમાં રૂષભદેવ ભગવાન પછી અજિતનાથ ભગવાન મહા સુદ અષ્ટમીને દિવસે જન્મ્યા અને તે જ સમયે ચક્રવર્તી થયા. “એક જિનપતિ એક ચક્રી બિરાજે જોડી જગત દિવાજે રાજ” સાતમી પૂજાના પ્રથમ ભાગમાં સગર ચક્રવર્તીના 60 હજાર પુત્રો, અષ્ટાપદ પર્વત પર પ્રભુના ચૈત્યને વંદન - પૂજન કરવા જાય છે તેનો ઉલ્લેખ થયેલો છે. બીજા ભાગમાં તીર્થ રક્ષા માટે ખાઈ બનાવવાની વિગત આપવામાં આવી છે. આ વાત જાણીને નાગકુમાર દેવ આવીને ખાઈ ન કરવા માટે વિનંતી કરે છે. તમે બાળક બુદ્ધિથી આવું વિચારો છો. પણ તમે તો નાગકુમાર દેવાનો અપરાધ કર્યો છે. તમે રૂષભદેવના વંશના છો એટલે અમે ક્રોધ કરીને વિપરીત કરવા માગતા નથી. નાગકુમારની વાણીમાં વિવેક બુદ્ધિનો પરિચય થાય છે. નાગકુમાર દેવની વિદાય પછી સગર પુત્રોએ ગંગાના નીરથી ખાઈ ભરવાની યોજના કરી એટલે તીરથની આશાતના થાય નહિ. 179
