________________ 12 અંગ સૂત્ર અને 4 મૂળ સૂત્ર મળીને 16 આગમ થાય છે. પછી બીજા પર આગમનો બાકીની પૂજામાં ઉલ્લેખ કર્યો છે. “હાં લગી ઉગણ ચાલીસ આગમ, પૂજો પ્રણમો ભાવેંજી” હાં લગે બહેંતાલીસ કહાં આગમના અધિકાર" ત્રેપનમો આગમ પ્રભુ રે મિત્ર પન્ના નામે રે ઇહ લગે બાસઠ પૂજયજીરે, વરસ્યા આગમ દેવ રે, ઈમ સહુ અડસઠ આજે છે રે આગમ ગ્રુત ભાવંતા” - આ રીતે કવિએ કેટલીક પૂજામાં આગમની સંખ્યાનો ઉલ્લેખ કરીને અડસઠ આગમની પોતાની ગણતરીને સમર્થન આપવાનો પ્રયત્ન કર્યો છે. પૂજા દ્વારા દુહા અને અડસઠ આગમની વિગતો આપવાની પદ્ધતિમાં કવિનો ઈતિહાસ - પ્રેમ અને ભૂતકાળના ભવ્ય વારસા પ્રત્યેનો અહોભાવ પ્રગટ થયો છે. પટ્ટાવલીમાં સમાન અહીં પણ ક્રમિક રીતે આગમનો ઉલ્લેખ કરવામાં ઇતિહાસનું અનુસરણ થયું છે. ઢાલમાં દેશીનો આશ્રય લઈને વસ્તુ નિરૂપણ કરવું, અંતમાં સંસ્કૃત શ્લોક દ્વારા પૂજાની સમાપ્તિનો ઉલ્લેખ એ પૂજા સાહિત્યનાં પરંપરાગત લક્ષણનો નિર્દેશ કરે છે. “અષ્ટ પ્રકારી પૂજાના ક્રમમાં સાતમી નૈવેદ્ય પૂજા અને આઠમી ફળ પૂજા હોય છે. કવિએ આ ક્રમમાં ફેરફાર કરીને સાતમી ફળપૂજા અને આઠમી નૈવેદ્ય પૂજા એમ ક્રમ બતાવ્યો છે. આ પ્રમાણે ક્રમમાં ફેરફાર કરવાનું પ્રયોજન શ્રુતજ્ઞાન રસિકોને માટે સંશોધનનો પ્રશ્ન બને છે. પ્રભુને નૈવેદ્ય ધરાવવાનો હેતુ ચાર 203
