________________ હોય છે. રૂષભદેવ ભગવંતના શિષ્યો 84090 અને ભગવાન મહાવીરના શિષ્યોની સંખ્યા 14000 હતી એટલે તેટલી સંખ્યામાં પન્ના શાસ્ત્રો રચાયાં હતાં. કાળક્રમે આ પન્ના શાસ્ત્રો નષ્ટ થતાં 30 પન્ના ઉપલબ્ધ છે. તેમાંના ૧૦ની 45 આગમમાં ગણતરી થાય છે. છેદ સૂત્ર - પાપી, પ્રમાદી, અજ્ઞાની અને મોહવશ જીવોએ કરેલી નાની મોટી ભૂલો કે અતિચારના પ્રાયશ્ચિતનું વિધાન આ સૂત્રમાં છે. ચારિત્રની શુદ્ધિ અને રક્ષણ માટે ઉત્સર્ગ અને અપવાદ માર્ગની માહિતી આપવામાં આવી છે. મૂળ સૂત્ર - માનવ ભવ મળ્યા પછી ચારિત્ર મોહનીય કર્મના ક્ષય થવાને કારણ અને પૂર્વની અપૂર્વ આરાધના ને પુણ્ય યોગે સંયમ જીવન જીવવાનો લ્હાવો મળે ત્યારે નવ દીક્ષિતને સંયમ જીવનને અનુરૂપ થવા આવશ્યક સૂત્રનો અભ્યાસ કરાવવામાં આવે છે. પરિણામે તેઓ રત્નત્રયીની આરાધનામાં ઉદ્યમવંત રહે છે. મુમુક્ષુ આત્માને મોક્ષ માર્ગની પ્રાપ્તિમાં ઉલ્લાસ વધે ને પુરુષાર્થ દ્વારા પ્રગતિ થાય તેવાં આગમગ્રંથો “મૂળસૂત્ર' તરીકે ગણાય છે. - કવિ દીપવિજયે અડસઠ આગમની ગણતરી કરી છે. તેમાં 11 અંગ સૂત્રની સાથે બારમા દષ્ટિવાદનો વિચ્છેદ થયો છે તેની પણ ગણતરી કરીને 12 અંગ સૂત્ર દર્શાવ્યાં છે. મૂળ સૂત્રની સંખ્યા ચાર ને બદલે છની ગણતરીમાં લીધી છે. આગમ અંતર્ગત ચૂલિકાની રચનાને પયન્ના સૂત્રમાં આવરી લેવામાં આવી છે. કવિએ 14 ઉપાંગ સૂત્ર, 6 છેદ સૂત્ર અને 197
