________________ કવિની શબ્દ પસંદગી, પ્રાસ, રચના, ઉચિત વર્ણનકળા વગેરે દ્વારા કવિત્વ શક્તિનો પરિચય થાય છે. અન્ય ગહુંલીઓ કરતાં અહીં કવિની નિરૂપણ શૈલી અને વર્ણયોજનાથી નમૂનેદાર રચના બની આ ગરબીમાં ચક્રેશ્વરી દેવીનું લલિત મધુર પદાવલીમાં ચિત્રાંકન કરીને ભક્તિભાવના વ્યક્ત થયેલી છે. ગુજરાતી સાહિત્યમાં કવિ દયારામે કૃષ્ણ ભક્તિ વિષયક ગરબીઓ ઘણી મોટી સંખ્યામાં રચી છે. અને ગરબીના કવિ તરીકેનું બિરૂદ પ્રાપ્ત કર્યું છે. કવિ ભાલણનાં કેટલાંક પદો ગરબીના ઉદાહરણરૂપ છે. તદુપરાંત ભાણદાસ' પ્રીતમ, રાજે, રણછોડ અને સ્વામીનારાયણ સંપ્રદાયના કવિ નિષ્કુળાનંદ વગેરેની કેટલીક રચનાઓ ગરબી સ્વરૂપની મળી આવે છે. તેમાં સમકાલીન આચાર વિચાર ઉપરાંત ઈષ્ટદેવનાં ગુણગાન ગવાયાં છે. આમ ગરબી પણ કાવ્ય પ્રકાર તરીકે સ્વતંત્ર રીતે સ્થાન ધરાવે છે. પદ સ્વરૂપની રચનાઓમાં ગરબી ઘણું સામ્ય ધરાવે છે. પદમાંથી ક્રમશઃ ગરબી સ્વરૂપ વિકાસ પામ્યું છે એમ માનીએ તો કાંઈ વાંધો નથી. ગરબીમાં રહેલી ઊર્મિ યુક્તતાએ અર્વાચીન સાહિત્યમાં ઊર્મિકાવ્ય કે ગીતોની રચનામાં પ્રેરણા આપી છે. - ગહ્લીની રચનાઓ સીધી સાદી હોવા છતાં અહીં કલાત્મક અંશો વિશેષ રહેલા છે. કવિ દીપવિજ્યની રચનાઓની વિવિધતાનો વિચાર કરતાં એમની ગહુલીની રચનાઓ પણ નોંધપાત્ર છે. વ્યાખ્યાન વખતે ગહુલી ગાવાનો રિવાજ પ્રચલિત છે. સ્ત્રીઓ મધુર કંઠે સમૂહમાં 142
