________________ કેવળજ્ઞાન પ્રાપ્ત થયા પછી દેવો સમવસરણની રચના કરે છે. બાર પર્ષદા બિરાજે છે. અષ્ટ પ્રાતિહાર્યથી પ્રભુના અલૌકિક ને અનુપમ સૌન્દર્યનું દર્શન થાય છે. કવિએ પ્રથમ 10 કડીમાં પ્રભુનો મહિમા દર્શાવ્યો છે. બાકીની પાંચ કડીમાં મરૂદેવી માતાને કેવળજ્ઞાન થાય છે તેનું નિરૂપણ કર્યું છે. ઋષભદેવ ભગવાનના કેવળજ્ઞાન પછી મરૂદેવી માતાને કેવળજ્ઞાન ઉત્પન્ન થયું તે પ્રસંગ રસિક કથાનો આસ્વાદ કરાવે તેવી છે. સ્તવનના આરંભની પંક્તિમાં કથાની દૃષ્ટિએ રહેલી જિજ્ઞાસા પ્રગટે છે. “ભરતજી કહે સુણો માવડી, પ્રગટયા નિધાન રે; નિતનિત દેતાં ઓલંભડા, હવે જુઓ પુત્રના માન રે. રૂષભની શોભા હું શી કહું વાલા” રૂષભદેવ ભગવાન માતાને એકલી મૂકીને સંયમ અંગિકાર કરે છે. ત્યારે વાત્સલ્યમૂર્તિ માતા પુત્રની સ્મૃતિમાં સ્નેહથી કરૂણ ક્રન્દન કરીને નયનોની દૃષ્ટિ ગુમાવી દે છે. પુત્ર ભરતને સમાચાર મળ્યા કે રૂષભદેવ ભગવાનને પોતાના પિતા) કેવળજ્ઞાન ઉત્પન્ન થયું છે. એટલે માતાને હાથી પર બેસાડીને પુત્ર શોભા જોવા લઈ જાય છે. સમવસરણનું વર્ણન કરતી કડીઓ નીચે મુજબ છે. “અઢાર કોડા કોડી સાગરે, વસીયો નયર અનુપ રે. ચાર જોયણનું માન રે, ચાલો જોવાને રુપ રે. રૂ. રા 104 :
