________________ રચના સાથે સામ્ય ધરાવે છે. અને પરંપરાગત રીતે પાંચમા વધાવામાં પોતાના ગુરુ અને કવિ તરીકે પોતાનો ઉલ્લેખ થયો છે. પ્રભુનો વધાવો ગાવાથી ભવભયનું દુઃખ ટળી જાય છે. એવો સંક્ષિપ્ત બોધ દર્શાવ્યો છે. સાંપ્રદાયિક સાહિત્યમાં પ્રત્યક્ષ કે પરોક્ષ રીતે માનવતાના ગુણોનો વિકાસ થાય તેવા શુભ હેતુથી ઉપદેશનું તત્ત્વ અનિવાર્યપણે રહેલું હોય છે. જોકે વધાવાની રચનામાં ઉપદેશનો માત્ર ઈશારો જ છે. દેશીઓનો પ્રયોગ કાવ્ય તત્વની માવજત કરવામાં ઉપયોગી નીવડે છે. પણ દેશીનો માત્ર રાગ-લયની સાથે સંબંધ છે. તેમાં રહેલા ભાવ સાથે સંબંધ નથી.' કરૂણ શંગાર કે વીરરસનું નિરૂપણ કરતી દેશીઓ અન્ય - રસના સંદર્ભમાં પ્રયોજાય છે. (11) 7. પાર્શ્વનાથ પંચ વધાવા સ્તવન (સંદર્ભ- હસ્તપ્રત) મહાવીર સ્વામી - પાંચ વધાવાની માફક “પાર્શ્વનાથના પાંચ વધાવા”ની કૃતિ પાર્શ્વનાથ ભગવાનનાં પાંચ કલ્યાણકનું વર્ણન કરતી ચરિત્રાત્મક ભક્તિપ્રધાન રચના છે. પંચ કલ્યાણક સ્તવન વ્યવહાર જીવનમાં વિશેષ પ્રચલિત છે. કવિએ અહીં “વધાવા” શબ્દ પ્રયોગથી સ્તવનની રચના કરી છે. વધાવા એ સ્તવનનો પર્યાયવાચી શબ્દ છે. માત્ર ભગવાનનું જન્મ કલ્યાણકજ વધામણી કે ખુશી વ્યક્ત કરવાનો મર્યાદિત અર્થ પ્રગટ થતો નથી પણ બાકીનાં કલ્યાણકો પણ ભવ્યજીવોને અનેરો ઉલ્લાસ આપે છે તેમ સમજવાનું છે. 617
