________________ ભગવાનના અવન કલ્યાણકનો ઉલ્લેખ કરતાં કવિ જણાવે છે કે કલ્યાણક પહેલે જગ વલ્લભા, ત્રણ જ્ઞાની મહારાય રે, “દશમા સ્વર્ગ વિમાનથી પ્રભુજી ભોગવી સુહનું આય એમને દીપ કહે ઈમ પ્રથમ વધાવો” દ્વારા પહેલી ઢાળમાં પ્રથમ વધાવો છે એમ સૂચન કર્યું છે. શાસનનો સુલતાન, ભવોદધિ તરણ, જગવલ્લભ જેવાં વિશેષણો દ્વારા પ્રભુનો પરિચય આપ્યો છે. અત્યાનુપ્રાસ અને વર્ણમાધુર્યનો પરિચય તો આરંભની કડીમાં જ થાય છે. વંદો જગજનની બ્રાહ્માણી, દાતા અવિચલ વાણી રે; કલ્યાણક પ્રભુનાં ગુણખાણી શુંણશું ઉલટ આણી એહને સેવો રે ના” બીજો વધાવો એટલે જન્મ કલ્યાણક, ચૈત્ર સુદ તેરસની મધ્ય રાત્રિએ ભગવાન જન્મ્યા, મેરૂપર્વત ઉપર 64 ઈન્દ્રોએ જન્મોત્સવ ઉજવ્યો. મિથ્યાદૃષ્ટિ દેવને શંકા થઈ કે ભગવાન આ અભિષેકનો ભાર કેવી રીતે વહન કરશે? શંકાનું નિવારણ, અંગુઠાથી મેરૂપર્વત ચલિત કરવો, ત્રિશલામાતાને પુત્ર રત પ્રાપ્તિથી અપૂર્વ ઉલ્લાસ અને વર્ધમાન નામાભિધાન જેવી માહિતીનો સંદર્ભ રહેલો છે. ભગવાને મેરૂપર્વત ચલાયમાન કર્યો તે પ્રસંગની અભિવ્યક્તિ કરતાં જણાવે છે કે - “મહાવીર નિજ અંગુઠે ચંપ્યો તતક્ષણ મેરૂ થરથર કંપ્યો; માનું નૃત્ય કરે છે કે રસિયો, પ્રભુપદ ફરસે થઈ ઉલ્લસિયો. વી. છા” (12) 113
