________________ મૂળનાયક તરીકે પ્રતિષ્ઠિત કરવામાં આવ્યા.. કવિએ કાવી તીર્થની ઉત્પત્તિ વિશે ઉપરોક્ત કથા કાવ્યમાં ગૂંથી લીધી છે. સામાન્ય રીતે ઢાળમાં રચાયેલા સ્તવનોનો પ્રારંભ દુહાથી થાય છે. અહીં કવિએ દુહાને બદલે દેશીથી સ્તવનનો પ્રારંભ કર્યો છે. અવિનાશીની સેંજડીઈ રંગલાગો તાહરી સજની” એ દેશી ઉપરાંત પ્રથમ ઢાળમાં “ઝીણા ઝરમર વરસે મેહ ભીંજે માતરી ચુનલડી” તથા “મહારે દીવાળી થઈ આજ જિનમુખ જોવાને', તૃતીય ઢાળમાં “સમુદ્ર વિજય સુત ચંદલો સામલીયાજી', દેશીનો પ્રયોગ થયો છે. કાવી તીર્થમાં સાસુ વહુના દેરાસર વિશેષ પ્રસિદ્ધ છે. સાસુ ને “વીરાં વહુજી દરશન કરવા આવે રે’ સ્ત્રીવર્ગમાં વિશેષ ખ્યાતિ ધરાવે છે. કવિએ પ્રથમ ઢાળમાં સાસુ-વહુના પરિવારની વંશાવળીનો ઉલ્લેખ કર્યો છે. બીજીમાં સાસુના મહેણાથી વહુએ પિયેરથી ધન મંગાવીને જિનમંદિરનું નિર્માણ કરાવ્યું તેની વિગતો દર્શાવી છે. ત્રીજીમાં સાસુ-વહુના દહેરાંની ખ્યાતિ અને જંબુસરનો સંઘ તીર્થનો વહીવટકર્તા છે એમ જણાવ્યું છે. ત્રીજી ઢાળની છેલ્લી કડીમાં સ્તવન રચના વર્ષનો ઉલ્લેખ છે. આ સ્તવનમાં કાવીતીર્થની ઐતિહાસિક વિગતોનો સમાવેશ થયેલો છે. તે કવિની કવિત્વ શક્તિના નમૂનારૂપ છે. 91
